Ҹәмијјәтдә һәр бир ајыг вә шүурлу инсан өз азадлыг һаггы вә һүдудлары илә таныш олмалы, онлары тәләб етмәлидир
Бу ҝүн университетдә азадлыг мәсәләси чох мүзакирә олунур. Бәзән дејирләр ки, азадлыг верилмир, алыныр. Мән дејирәм азадлыг һәм верилир, һәм алыныр, һәм дә өјрәнилир. “Азадлыг верилир” нә демәкдир? Бу о демәкдир ки, дөвләт мәмурларынын тәбии азадлыг һаггыны, јәни гануни азадлыглары һеч кимдән алмаға ихтијарлары јохдур. Бу, дөвләт тәрәфиндән лүтфкарлыг да дејил. Дөвләт азадлығы вермәјә борҹлудур.
“Азадлыг алыныр” нә демәкдир? Јәни ҹәмијјәтдә һәр бир ајыг вә шүурлу инсан өз азадлыг һаггы вә һүдудлары илә таныш олмалы, онлары тәләб етмәлидир. “Азадлыг өјрәнилир” нә демәкдир? Јәни азадлығын мәдәнијјәти вә гајда-ганунлары вар. Онлары өјрәнмәк лазымдыр. Азадлыг мәдәнијјәти вә гајдалары олмадан бу бөјүк немәт һеч кәс вә һеч бир ҹәмијјәт үчүн лазыми һәддә мөвҹуд олмаз. Әҝәр ҹәмијјәтдә инсанлар азадлыгдан истифадә гајдасыны билмәсәләр, һеч шүбһәсиз, фәал, чалышган вә өнҹүл бир ҹәмијјәт үчүн зәрури олан азадлығы әлдән верәҹәкләр. Ислам нөгтеји-нәзәриндән бу, бир ҹәмијјәт үчүн фаҹиә демәкдир. Азадлығын әлдән чыхмасы фаҹиәдир.
Ајәтуллаһ Хаменеи
Vilayet.nur-az.com
