Фарс Неwс Аҝенҹј бир груп Балкан ҝәнҹинин Ҹәнаб Рәһбәрин Авропа вә Шимали Америка ҝәнҹләринә мүраҹиәтинә мәктубла ҹаваб вердијини јазыр. Иран Ислам Республикасынын Боснијадакы Мәдәнијјәт Мәркәзи бу мәктубун мәтнини јајыб.
Мәктубун мәтни:
Ҹәнаб Ајәтуллаһ Хаменеи! Салам!
Дүнјада неолиберализмин биртәрәфли һакимијјәти јохсул тәбәгә илә варлылар арасында учуруму дәринләшдирди. Дүнәнин империалист вә истисмарчы сијасәтчиләринин әмринә табе олан информасија нәһәнҝләри ҝәнҹләрин бејин вә гәлбини истила етмәкдәдир. Белә бир дүнјада өзүнәинам јаратмаг, заман вә зәманәјә ујғун бахыша малик олмаг үчүн ән ҝөзәл јол илаһи динләр, хүсусилә Ислам динидир. Ислам дини бу ҝүн ики тәрәфдән амансыз һүҹум вә тәзјигләрә мәруз галыб. Бир тәрәфдән исламафобија фитнәкарлығы, дифҝәр тәрәфдән ифратчылыг вә тәкфирчилик фитнәкарлығы!
Белә бир шәраитдә ајдын мәсәләдир ки, дини рәһбәрләрин милләтләри ојатмаг, сијасиләрин әхлаги виҹданыны һәрәкәтә ҝәтирмәк үчүн мүхтәлиф јолларла, хүсусилә мүраҹиәт вә ачыг мәктубларла мәнәви дипломатија фәалијјәтләри бөјүк вә тәсирли рол ојнаја биләр. Сизин Авропа вә Шимали Америка ҝәнҹләринә мүраҹиәтиниз мәһз бу истигамәтдә атылмыш аддым кими гәбул едилир. Сизин мәктубунуз ағры вә дәрдләрин, проблем вә еһтијаҹларын сәмими әкс-сәдасыдыр.
Билдијимиз гәдәр, илаһи динләр, о ҹүмләдән әсил Мәһәммәд, рәһмәт Исламы инсанлары инсан һаглары вә инсанлыг кәрамәтләрини һифз етмәјә чағырыр - биз буна инанырыг. Илаһи пејғәмбәрләрин тарихин зорлулары вә мүстәбидләри илә мүбаризәси һәр заман халг арасында нифрәт вә горху јаратмагдан узаг олуб. Ислам дүшүнмәјә, ҝөзәл шәкилдә мүбаһисәјә дәвәт едир, азадлыг, әдаләт вә тәһлүксизлик мүждәси верир. Буна ҝөрә дә ҝөзәл билирик ки, бәшәријјәтин дүшмәнләринин әлиндә аләт олан ифратчы мүсәлманнүмаларын Ислам вә әсил дини тәлимләрлә һеч бир әлгәси јохдур...
Биз инанырыг ки, бу групларын ифратчы вә тәкфирчи мејлләри Исламдан ағылсыз вә мәрифәтсиз нәтиҹәләр чыхарылмасынын мәһсулудур. Биз белә мүртәҹе вә тәһлүкәли ҹәрәјанлара нәинки етиразымызы билдиририк, һәтта чалышырыг ки, илк дини мәнбәләри, јәни Гуран вә Пејғәмбәр сүннәси, јолуну мүталиә етмәклә Исламы даһа дүзҝүн таныјаг. Чүнки дәриндән инанырыг ки, зәнҝин вә әсил Ислам мәдәнијјәтинин танытдырылмасы тәкфирчи вә ифратчы ҹәрәјанын гаршыны алмаг, онунла мүбаризәдә ән үстүн јолдур.
Əлбәттә, биз ҝәнҹләр өз һөкумәт вә дини гурумларымыздан исрарла истәјирик ки, Ислам вә дини дүшүнҹәли шәкилдә, елми әсасларла өјәрнмәк үчүн јолу там ачсынлар. Јол вермәсинләр ки, радикаллыг Ислам тәһсил мүәссисәләринә, университетләрә вә мәнзилләрә нүфуз етсин. Биз бу әгидәдәјик ки, инсани вә әхлаги дәјәрләрә еһтирам ҝөстәрмәклә Ислам вә гәрбин мүтәрәгги вә мәдәни шәкилдә јахынлығы мүмкүндүр. Белә бир сүлһмәрамлы јахынлыг олмадан дүнјада сүлһ вә тәһлүкәсәзикдән данышмаға дәјмәз. Биз дөвләт вә гејри-дөвләт тәшкилатларындан истәјирик ки, дүшүнҹә, севҝи, бәрабәрлик, инсан кәрамәтләри, фәрди вә иҹтимаи һүгугларын чичәкләнмәси үчүн фәза вә мејдан ачсынлар.
Сонда сизи әмин едирик ки, тәләсик мүһакимәләр вә мәнфи тәблиғ сели гаршысында дајаныб, бу дин һаггында васитәсиз, бирбаша мәлумат әлдә едәҹәк, Исламы әсас вә илк мәнбәләрдән таныјаҹаг вә танытдыраҹағыг. Бу јолда ҝизли вә ашкардакы булашыг әлләрин мөвһуми чөһрәләр јаратмагла бизимлә ҝерчәк арасында сәдд чәкмәсинә, тәрәфсиз мүһакимә имканыны биздән алмасына јол вермәјәҹәјик.
Бир груп Балкан ҝәнҹи, 2015-ҹи ил, март
Vilayet.nur-az.com
