Шрифт өлчүсү:
А+
А
А-
14 Ијул 2015

Әһли-бејт мәһәббәти

Әһли-бејтә (ә) мәһәббәт инсаны бир чох фитнәләрдән гуртарыб, нөгсанлары арадан галдырар.
Ҹәсарәтлә демәк олар ки, биз шиәләрин Исламдан олан билијинин 90 фаизи Әһли-бејтдән өјрәндикләримиздир. Бу сөзү башга мәзһәбләр һаггында да демәк олар. Сонунҹу Пејғәмбәр (с) дүнјасыны дәјишдикдән сонра бәшәријјәт үчүн јеҝанә илаһи билик мәнбәји Әһли-бејт мәсумларыдыр. Онлар үч әср әрзиндә инсанлары илаһи маарифлә таныш етмишдир. Аллаһ-тәала Гурани-Кәримдә өз Пејғәмбәринә (с) бујурмушдур: «Де ки, мән сиздән пејғәмбәрлијин мүгабилиндә гоһумлуг мәһәббәтиндән башга бир шеј истәмирәм». («Шура» сурәси, ајә 23.) Пејғәмбәр (с) инсанлардан јалныз Аллаһа итаәт истәјирди. «Фүрган» сурәсинин 57-ҹи ајәсиндә бујурулур: «…Мән сиздән анҹаг Рәббинә тәрәф доғру јол тапмаг диләјән кимсәләр истәјирәм». Бу ики ајә Пејғәмбәр (с) Әһли-бејтинә (ә) олан мәһәббәтин әһәмијјәтини ачыг-ашкар бәјан едир. Әлбәттә ки, бизим Әһли-бејтә мәһәббәтимиз јалныз онларын Аллаһ дәрҝаһына јахынлығы илә бағлыдыр.
Əҝәр Аллаһын мәрифәт вә мәһәббәтини дүзҝүн шәкилдә анлајыб хошбәхт олмаг истәјириксә, Пејғәмбәр (с) вә онун Әһли-бејтинә (ә) ардыҹыллыг етмәлијик. Аллаһа мәһәббәтин сүбуту Пејғәмбәрә (с) итаәт, Һәзрәтә (с) итаәтинин тәркиби олан Әһли-бејтә (ә) бағлылыгдыр. Мәшһур «Сәгәлејн» һәдиси дејиләнләрә сүбутдур.
Әһли-бејтә мәһәббәтин јардымы
Ади инсанлар ҝүнаһсыз олмадыгларындан дини етигадлары, әмәлләри гүсурлу ола биләр. Әһли-бејтә (ә) мәһәббәт инсаны бир чох фитнәләрдән гуртарыб, нөгсанлары арадан галдырар. Амма Әһли-бејт (ә) вилајәтиндән узаглыг инсаны тәһлүкәли агибәтлә үзләшдирә биләр.
Әҝәр тарихә нәзәрә салсаг һәтта кәбирә ҝүнаһлара јол вермиш инсанларын Әһли-бејт (ә) ишығында төвбәјә наил олдуғуна шаһид оларыг. Әксинә, дини ҝөстәришләрә ҹидди әмәл едиб, лакин Әһли-бејт мәһәббәтиндән мәһрум олдуғу үчүн сүгута уғрајанлар да аз дејил.
Мәрһум Тејјуб Имам Һүсејнә (ә) хүсуси севҝиси илә сечилән инсанлардан иди. Онун әзадар дәстәси мәһәррәм мәрасимләриндә мәшһур иди. Тејјуб мәлум Хордад һадисәләриндә һәбс олунмушду. Хәфијјәләр Тејјубдан тәләб едирдиләр ки, гијамда иштирак үчүн имамдан пул алдығыны етираф етсин. Белә бир изаһат мүгабилиндә ону азад едәҹәкләринә сөз верирдиләр. Амма Тејјуб Аллаһ ризасына гијама галхдығыны бәјан етди. Мүҹаһид мүсәлманы дара чәкдиләр…
Бу һадисәдән сонра чохлары Тејјубу јухуда ҝөрдү. Онун јахын достларындан бири мүәллифлә ҝөрүшүндә Тејјубун хатирәсинә Гуран ачмағы хаһиш етди. Аллаһ шаһиддир ки, сәһифәнин илк сөзү «тејјиб» вә илк ајәси бу иди: «Пак сөз Она тәрәф јүксәләр вә пак сөзү дә јахшы әмәл галдырар». («Фатир» сурәси, ајә 10.)
Тејјуб ади бир мүсәлман иди. Амма Әһли-бејтә ашиг олан ади бир мүсәлман! Мәһз бу мәһәббәт Тејјубу хејирли бир агибәтә ‒ шәһадәтә говушдурду.
Буну да гејд етмәлијик ки, инсанын гәлби елә һәддә чиркләнә биләр ки, Әһли-бејт мәһәббәтинә лајиг олмаз.


6735 بازدید
در حال ارسال اطلاعات...