Шрифт өлчүсү:
А+
А
А-
26 Сентјабр 2015

Мүсәлманларын бајрамы јаса чеврилди...

Минада баш вермиш фаҹиә илә бағлы 3 ҝүнлүк матәм елан едилди
Ислам Ингилабынын Али Мәгамлы Рәһбәри Һәзрәт Ајәтуллаһ Хаменеи бу ҝүн Минада баш вермиш вә Аллаһ евинин мүсафирләриндән бөјүк бир кәсиминин һәјатыны итирмәсинә сәбәб олмуш мүсибәт долу һадисәнин ардынҹа рәсми мүраҹиәт етмишдир. Али Мәгамлы Рәһбәр өз мүраҹиәтиндә бу кәдәрли һадисәдән зәрәр чәкмиш инсанларла һәмдәрд олдуғуну ифадә едир, өләнләрин јахынларына башсағлығы верәрәк ашағыдакылары вурғулајыр: “Сәудијјә һөкумәти бу хошаҝәлмәз һадисәдә дашыдығы ағыр мәсулијјәти гәбул етмәли, һагг вә инсафа риајәт едәрәк тәләб олунан бүтүн гајдалара әмәл етмәли, ејни заманда бу фаҹиәјә сәриштәсиз идарәетмә вә дүзҝүн олмајан тәдбирләрин сәбәб олдуғу да диггәтдән јајынмамалыдыр”.

Мүраҹиәтдә һәмчинин өлкәдә 3 ҝүнлүк үмуммилли матәмин елан олундуғу да билдирилир:

Али Мәгамлы Рәһбәрин мүраҹиәтинин там мәтни ашағыдакындан ибарәтдир:

Мәрһәмәтли вә Бағышлајан Аллаһын ады илә.

انا لله و انا الیه راجعون


Бу ҝүн Минада баш вермиш вә Аллаһ евинин мүсафирләриндән, мүхтәлиф өлкәләрдән Рәббинә доғру мүһаҹирәт едән мөминләрдән бөјүк бир гисминин өлүмүнә сәбәб олмуш фаҹиәли һадисә Ислам дүнјасыны сонсуз кәдәрә боғараг мүсәлманларын бајрамыны јаса чевирмишдир. Вәтәнимиздә дә һәҹҹ зијарәтинә ҝетмиш јахынларыны сәбирсизликлә ҝөзләјән онларла аилә инди онлара матәм тәшкил едир. Мән дә өз нөвбәмдә бу фаҹиәли һадисә илә әлагәдар олараг, мүсибәтә гәрг олмуш инсанларла һәмдәр олан, кәдәр долу бир гәлблә Һәзрәт Рәсули-Әзәмин (сәлләллаһу әлејһи вә алиһ) пак руһуна вә әсл мүсибәтин јијәси олан Һәзрәт Меһди Саһибәззаманын (руһларымыз она фәда олсун!) мүгәддәс һүзуруна, вәфат едән инсанларын бүтүн Ислам дүнјасында, хүсусилә дә әзиз Иранымызда олан јахынларына, бу фаҹиәли һадисәнин јасыны тутан һәр кәсә башсағлығлы верир, бағышлајан, мәрһәмәтли вә шәкур Аллаһдан бу әзиз гонагларына хүсуси рәһмәтлә нәзәр салмасыны, севҝи вә мәрһәмәт долу дәрҝаһындан јаралылара вә хәсарәт аланлара тез бир заманда шәфалар вермәсини диләјир вә хатырладырам:

1. Нүмајәндәлијимизин вә Һәҹҹ Тәшкилатынын рәсмиләри өләнләрин шәхсијјәтинин мүәјјән олунмасы, јаралыларын мүалиҹәси вә өлкәјә ҝөндәрилмәси, информасијанын оператив сурәтдә өтүрүлмәси истигамәтиндә бу ҝүн бүтүн ҝүнү ҝөстәрдикләри ҝәрҝин сәјләри давам етдирсинләр вә баҹаран һәр кәс онлара әлиндән ҝәлән көмәји етсин.

2. Башга өлкәләрдән ҝәлмиш һаҹылара да мүмкүн олан һәр ҹүр көмәји ҝөстәрәрәк Ислам гардашлығы һаггыны јеринә јетирсинләр.

3. Сәудијјә һөкумәти бу хошаҝәлмәз һадисәдә дашыдығы ағыр мәсулијјәти гәбул етмәли, һагг вә инсафа риајәт едәрәк бүтүн зәрури тәдбирләри һәјата кечирмәлидир. Белә бир фаҹиәли һадисәјә сәриштәсиз идарәчилик вә дүзҝүн олмајан тәдбирләрин сәбәб олдуғу да диггәтдән јајынмамалыдыр.

4. Гурани-Кәримин ашағыдакы нурлу ајәси бу һадисә нәтиҹәсиндә һәлак олмуш инсанлара шамил олаҹаг, иншаллаһ:

و من یخرج من بیته مهاجرا الی الله و رسوله ثم یدرکه الموت فقد وقع اجره علی الله


“Аллаһ јолунда һиҹрәт едән шәхс јер үзүндә чохлу сығынаҹаг вә ҝенишлик (боллуг) тапар”.

Бу, онларын јахынлары үчүн бөјүк бир тәсәллидир. Онлар тәваф вә сәји јеринә јетирдикдән, Әрәфат вә Мәшәрдә бәрәкәт долу саатлар кечирдикдән сонра, һәҹҹ ајинләрини јеринә јетирдикләри бир һалда Мәбудун ҝөрүшүнә тәләсмишләр вә иншаллаһ, бир олан Аллаһын хүсуси лүтф вә мәрһәмәти илә әһатә олунаҹаглар. Јаслы инсанлара бир даһа башсағлығы верәрәк өлкәдә 3 ҝүнлүк үмуми матәм елан едирәм.

Салеһ бәндәләрә Аллаһын саламы олсун.

Сејид Әли Хаменеи
2 меһр 1394

Леадер.ир


7259 بازدید
در حال ارسال اطلاعات...