Шрифт өлчүсү:
А+
А
А-
18 Нојабр 2015

Аллаһ бәндәләринә зүлм, залымын варлығыны мәһв едә биләр

Аллаһын немәтләрини зилләтә чевирмәкдә, Аллаһ гәзәбини тезләшдирмәкдә зүлмдән тәсирли амил јохдур
Ислам дүнјаҝөрүшүндә бәзи ҝүнаһлар немәт вә иззәтин зилләт вә бәдбәхтчилијә чеврилмәси сәбәби сајылыр. Бәзи ҝүнаһлар исә әзаб вә сәмави бәлалары тезләшдирир.

Һәзрәт Әлинин (ә) нәзәринҹә, Аллаһ бәндәләринә зүлм-ситәм бир тәрәфдән илаһи немәтләри бәдбәхтлијә чевирән, диҝәр тәрәфдән әзаб вә бәланы тезләшдирән сәбәбдир. Бу әзаб һәм үхрәви (ахирәтә аид), һәм дә дүнјәви ола биләр. Демәк, бу әзабын һазыркы дүнјамызда ҝерчәкләшмәси мүмкүндүр. Аллаһ бәндәләринә зүлм залымы немәтләрдән мәһрум едиб, онун варлығыны мәһв едә биләр. Бүтүн бунлар мәзлумун наләсиндән гајнагланыр.

 Әмирәлмөминин һәзрәт Имам Әли (ә) бујурур:

“Аллаһын немәтләрини зилләтә чевирмәкдә, Аллаһ гәзәбини тезләшдирмәкдә зүлмдән тәсирли амил јохдур. (Јәни Аллаһ бәндәләринә зүлм немәтләрин кәсилмәсиндә вә илаһи әзабын назил олмасында бүтүн диҝәр амилләрдән тәсирлидир) Чүнки Аллаһ мәзлумларын дуа вә истәкләрини јахшы ешидир вә даим ситәмкарлары изләмәкдәдир.”


4868 بازدید
در حال ارسال اطلاعات...