Гум Елмијә Һөвзәсинин тәсисчиләриндән олан Мәрһум Ајәтуллаһ Һаҹы Шејх Әбдүлкәрим Һаири бујурурду: Самиррада дини елмләрә мәшғул идим, самирралылар вәба вә таун хәстәлијинә дүчар олмушдулар вә һәр ҝүн өләнләр олурду.
Бир ҝүн устадым мәрһум Сејид Мәһәммәд Фишарәкинин евиндә бир нечә нәфәр самирралы варды. Елә бу вахт Ајәтуллаһ Мирза Мәһәммәдтәги Ширази - елми мәгамда мәрһму Фишарәкиндән ҝери галмырды – ичәри дахил олур. Евдә хәстәлик вә онун өлүмҹүл олмасындан сөһбәт едирдиләр.
Мәрһум Мирза бујурду: “Әҝәр мән һөкм етсәм, ону иҹра етмәк лазымдыр ја јох?”
Һамы деди: “Бәли.”
Бујурду: “Мән һөкм едирәм ки, Самирранын шиә сакинләри бу ҝүндән башлајараг 10 ҝүн Ашура Зијарәти охусунлар вә онун савабыны һәзрәт Имам Мәһдинин (әҹ) анасы Нәрҹисә һәдијјә етсинләр ки, бу бәла онлардан узаглашсын.”
Мәҹлисдәкиләр бу һөкмү бүтүн шиәләрә чатдырырлар вә һамылыгла Ашура Зијарәти охумаға башлајырлар. Сабаһы ҝүндән шиәләр даһа о хәстәликдән тәләф олмурдулар, амма гејри-шиәләр өлүрдүләр. Беләликлә, бүтүн Самирра әһли бу әһвалатдан хәбәрдар олур.
Гејри-шиәләрдән бәзиләри таныш шиәләрдән сорушурлар: Бунун сәбәби нәдир ки, бизләр өлүрүк, амма шиәләр өлмүр?
Онлара дејирләр: Биз Имам Һүсејнин (ә) Ашура Зијарәтини охујуруг ки, бу ағыр хәстәликдән - вәба вә таун – тутмајаг вә Аллаһ-Таала да бәлалары дәф едир.
Nur-az.com
Дилимизә чевирди: Р. ҺүсејновÂ
