Бәзи рәвајәтләрдә билдирилир ки, әсрин имамынын гејбинин һикмәти салеһ инсанларын хәлбирдән кечирилмәси вә сынаға чәкилмәсидир. Әмирәл-мөминин Әли ибн Әби-Талиб (ә) бујурур: "Анд олсун Аллаһа, мән дә, бу ики өвладым да шәһид олаҹағыг. Аллаһ-Таала ахыр заманда мәним өвладларымдан бирини бизим ганымызы алмаг үчүн ајаға галдырар. О бир мүддәт гејбә чәкиләр ки, халг сечилсин, азғынлар мәлум олсун. Иш бир јерә чатар ки, наданлар дејәр: «Аллаһын артыг али-Мәһәммәдлик бир иши галмајыб»".
İмам Һүсејн (ә) бујурур: «Имам Меһди (ә) үчүн гејб дөврү вардыр. Бу гејб дөврүндә бәзиләри диндән чыхар, бәзиләри мөһкәм дајанар. Ким бу гејб дөврүндә дүшмәнләрин јаратдыглары чәтинликләрә сәбр етсә, Аллаһ она елә бир саваб верәр ки, санки пејғәмбәрлә јанашы гылынҹ чәкиб дүшмәнләрлә дөјүшмүшдүр».
Имам Багир (ә) Фәрәҹлә (зүһурла) бағлы верилән суалы белә ҹавабландырыр: «Шиәләр ҹидди бир илаһи имтаһандан кечмәјинҹә һәзрәт зүһур етмәјәҹәк». Имам Садиг (ә) бујурур:
«Имам Меһдинин (ә) гејби шиәләрин имтаһана чәкилмәсидир». Имам Муса ибн Ҹәфәр (ә) бујурур:
"Бу гејб Аллаһ-Тааланын өз бәндәләрини имтаһана чәкмәси үчүндүр."
