Дини гардашыныз сизин јанынызда олмадыгда онун сизи неҹә јахшы хатырламасыны истәјирсинизсә, сиз дә ону ән јахшы шәкилдә хатырлајын

Имам Садиг (ә) сәһабәләринә бујурду:
Мәндән бир сөз ешидин ки, о, сизин үчүн гијмәтли атлардан даһа јахшы вә дәјәрлидир:
1. Сизләрдән һеч ким ҝәрәкинә ҝәлмәјәҹәк сөзү данышмасын. Ишинә јарајаҹаг бир чох сөзләри дә тәрк етсин, та онун јерини тапсын. Чүнки нә чох данышанлар вардыр ки, јерсиз сөз дејирләр вә о сөзү илә өзләри үчүн ҹинајәтин јаранмасына сәбәб олурлар.
2. Сизләрдән һеч ким ҹаһил вә ја дөзүмлү инсанларла мүбаһисә вә мүнагишә етмәсин. Чүнки һәр кәс дөзүмлү инсанла мүбаһисә етсә, ону өзүндән узаглашдырмышдыр. Һәр кәс ҹаһил инсанла мүбаһисә етсә, ону һәлакәтә салмышдыр.
3. Дини гардашыныз сизин јанынызда олмадыгда онун сизи неҹә јахшы хатырламасыны истәјирсинизсә, сиз дә ону ән јахшы шәкилдә хатырлајын.
4. Сизин әмәл вә рәфтарыныз, јахшылыг гаршысында мүкафат вериләҹәјини, ҹинајәт гаршысында һәбс олунаҹағыны биләнләр кими олсун.
Гајнаг:
“Ҹаме әһадис шиә” ҹ.13, сәһ. 508.
“Вәсаилуш-шиә”, ҹ. 12, сәһ. 194.
“Әмали”, Шејх Туси, сәһ. 224.
“Мустәдрәку сәфинә”, ҹ. 9, сәһ. 165.
“Биһарул-әнвар”, ҹ. 2, сәһ. 130.