Әһли-бејтин әзәмәтини дәрк етмәк вә онларын уҹа мәгамларына чатмаг, һәгигәтдә, чәтин бир мәсәләдир.
Пејғәмбәрин (с) Әбузәрә нәсиһәти
«Сәнә, Әһли-бејтимә мәһәббәтли олмағы нәсиһәт едирәм. Аллаһ-тәала онлары һәр ҹүр нөгсан вә писликләрдән узаг едиб, пак гәрар вермишдир».
Əһли-бејтин әзәмәтини дәрк етмәк вә онларын уҹа мәгамларына чатмаг, һәгигәтдә, чәтин бир мәсәләдир. Тәсадүфи дејил ки, онлара олан мәһәббәтин әһәмијјәтини ҝөстәрмәк үчүн мәрһум имам Хомејни (р) өз сијаси вә иҹтимаи вәсијјәтнамәсини бу һәдислә башлајыр:
«Өзүмдән сонра сизә ики бөјүк әманәт гојуб ҝедирәм: бири Аллаһын китабы (Гуран), диҝәри Әһли-бејтим…».Бәлкә дә, ингилаб рәһбәринин бу сөзләри дүнја милләтләринә гәрибә ҝөрүнә биләр. Лакин рәһбәр Әһли-бејтә табе олмағы илә фәхр едирди.
Биз Әһли-бејтә олан бу бағлылыг вә мәһәббәтин сиррини билмирик. Бәлкә дә, белә тәсәввүр едирик ки, онлар Пејғәмбәр (с) өвлијалары олдуғу үчүн онлары севмәлијик! Әҝәр белә олсајды, онларын дәрәҹә вә мәгамлары Гуранла јанашы тутулмазды. Әһли-бејтә мәһәббәтин бу дәрәҹәдә тәкид олунмасы, онларын Пејғәмбәрлә (с) гоһум олмалары сәбәбиндән дејил. Белә олсајды, Пејғәмбәрин (с) бир нечә һәјат јолдашы вар иди ки, онлар барәсиндә дә Әһли-бејт үчүн бујурулан тә`кидләр олунарды. Лакин мәлумдур ки, онлар һаггында һеч бир хүсуси ҝөстәриш верилмәмишдир. Әһли-бејт барәсиндә олан тәкидләр, Аллаһын онлары һәр ҹүр ејиб вә чиркинликләрдән пак гәрар вермәси сәбәбиндәндир.
