Ҝенетик вә ирси амил бахымындан, сејидләрин әсил-нәсәби имамларла әлагәләнир
Суал: Сејјидләрин диҝәр инсанлардан үстүнлүјү Аллаһын әдаләти илә ујғун ҝәлирми?
Сејидләрин әксәријјәтинин дүнјадан иманлы һалда ҝетмәләринин Аллаһын әдаләти илә һеч бир зиддијјәти јохдур. Чүнки Аллаһын әдаләтинә әсасән, һәр кәс өз габилијјәти, әмәлләри, нијјәти вә данышығы әсасында һаггыны алыр. Сејидләр дә башгалары кими, ихтијар саһиби олараг, мүхтәлиф чиркинликләр, хәталар вә азғынлыглар мүгабилиндә һагг јола јөнәлсәләр, өзләрини азғынлыға дүшмәкдән горујуб сахлајаҹаг, Аллаһын адәләти сајәсиндә варлыг аләминә һаким низама ҝөрә, дүнјадан мөмин ҝедәҹәкләр.
Диҝәр тәрәфдән, ҝенетик вә ирси амил бахымындан, сејидләрин әсил-нәсәби имамларла әлагәләнир. Бу, онларын доғру јола јөнәлмәләри вә мөмин олмалары үчүн даһа да мүнасиб бир шәраит јарадыр. Лакин бу амил иманлы олмаг үчүн мүхтәлиф зәрури амилләрдән тәкҹә биридир. Буна ҝөрә дә, бәзи сејидләр бу хүсусијјәтләрә малик олдуглары һалда онларын доғру јолдан узаг дүшдүјүнүн шаһидијик. Чүнки онлар әјри вә батил јол сечмиш, чиркин әмәлләрә јол верәрәк азғынлыға дүшмүшләр. Аллаһ-тааланын әдаләтинә әсасән бир инсан өз ихтијары илә доғру јол сечиб, бу јолда гәдәм ҝөтүрсә вә тәкамүлә чатмасы үчүн сәј етсә, мүсбәт нәтиҹәјә чатар вә иманлы һалда дүнјасыны дәјишәр. Сејидләрин әксәријјәти, ҝенетики амилдән әлавә, өз ихтијары вә ирадәси илә доғру јол сечмишдир. Бунун мүгабилиндә, Аллаһ-таала өз әдаләти сајәсиндә онлара ҝөзәл нәтиҹә әта етмишдир. Диҝәр тәрәфдән, Аллаһын әдаләти тәләб едир ки, бир инсан өз истәк вә ирадәси илә азғын јол сечиб, бу јолда гәдәм ҝөтүрәрсә, аҹынаҹаглы агибәтә дүчар олар, имансыз һалда дүнјадан ҝедәр. Мәһз бу сәбәбдән бәзи сејидләр өз истәк вә ихтијарлары илә батил јол сечмишләр. Бунун мүгабилиндә Аллаһ-таала Өз әдаләти әсасында, онлар үчүн аҹынаҹаглы агибәт гәрар вермишдир.
