Шрифт өлчүсү:
А+
А
А-
20 Мај 2017

ЈАЗАН МӘЛӘКЛӘР ВӘ БӘДӘН ӘЗАЛАРЫ

“Мәһз о ҝүн јер өз һекајәтини сөјләјәҹәк.”
Әмәлләрин мәләкләр тәрәфиндән јазылмасы вә бәдән үзвләринин бу ҝүнаһлара шаһидлији Гурани-Кәрим ајәләри илә тәсдиг олунмуш һәгигәтдир:
“Сизин үстүнүздә ҝөзәтчи мәләкләр - јазан вә һөрмәтли олан мәләкләр вардыр.Онлар сизин нә етдикләринизи билирләр.” (“Инфитар”, 10-12.)
“Нәһајәт, онлар Ҹәһәннәмә ҝәлдикдә гулаглары, ҝөзләри вә дәриләри етдикләри әмәлләр барәсиндә онларын әлејһинә шәһадәт верәҹәкдир.” (“Фуссиләт”, 20.)
“Гијамәт ҝүнү дилләри, әлләри вә ајаглары етдикләри әмәлләр барәсиндә онларын әлејһинә шәһадәт верәҹәкләр.” (“Нур”, 24.)
“Бу ҝүн онларын ағызларыны мөһүрләјирик. Етдикләри әмәлләр барәсиндә онларын әлләри бизимлә данышар, ајаглары исә шәһадәт верәр.” (“Јасин”, 65.)
“Дедијин һәр сөзү онун јанында дуруб ҝөзләјән вардыр.” (“Гаф”, 18.)
“Мәһз о ҝүн јер өз һекајәтини сөјләјәҹәк.” (“Зилзал”, 4.)
“...Аллаһ, Онун пејғәмбәри вә мөминләр әмәлләринизи ҝөрәҹәкләр. Сиз гејби вә ашкары билән Аллаһын һүзуруна гајтарылаҹагсыныз, О да сизә нә етдикләринизи хәбәр верәҹәкдир.” (“Төвбә”, 105.)
Әлбәттә ки, бүтүн бу дејиләнләр кафирләрә вә пешәкар ҝүнаһкарлара аиддир. Чүнки ҝүнаһлардан төвбә едиб иман ҝәтирәнләр рәһмәт әһлидирләр вә онларын кечмиш ҝүнаһларыны шаһидләр хатырламаз.
Һәзрәт Әли (ә) бујурур: “Төвбә едиб, төвбәси гәбул олунан кәсин әзаларына ҝүнаһларыны өртмәк әмр олунар. Торпаға бујурулар ки, онун ҝүнаһларыны ҝизләсин. Јазан мәләкләрин исә јаздыглары јадларындан чыхарылар.” (“Сәвабул-әмал”, 179.)
Имам Садиг (ә) бујурур: “Аллаһ халис төвбә едән бәндәсинә мәһәббәт ҝөстәрәр, ҝүнаһларыны дүнја вә ахирәтдә өртәр. Мәләкләр јаздыглары ҝүнаһлары унудар вә Гијамәтдә Аллаһла ҝөрүшдүкләри вахт һеч бир ҝүнаһа шаһид дура билмәзләр.” (“Биһарул-әнвар”, 6-28.)

“Ја Рәбби, ја Рәбби, ја Рәбби. Ја Илаһи вә Сәјјиди вә Мәвлајә вә маликә ригги, ја мән бијәдиһи насијәти, ја әлимән бизурри вә мәскәнәти, ја хәбирән бифәгри вә фагәти, ја Рәбби, ја Рәбби, ја Рәбби! Әсәлукә биһәггикә вә гудсикә вә әзәми сифатикә вә әсмаикә ән тәҹәлә әвгати минәл-ләјли вән-нәһари бизикрикә мәмурәтән, вә би хидмәтикә мәвсуләтән, вә әмали индәкә мәгбуләтән, һәтта тәкунә әмали вә әвради куллуһа вирдән ваһидән, вә һали фи хидмәтикә сәрмәдән, ја Сәјјиди, ја мән әләјһи муәввәли, ја мән иләјһи шәкәвту әһвали, ја Рәбби, ја Рәбби, ја Рәбби”

(“Ја Рәбб, ја Рәбб, ја Рәбб. Еј Мәбудум, еј Ағам, еј Мөвлам, еј ихтијар саһибим, еј талејим әлиндә олан, еј чарәсизлијимдән хәбәрдар, еј јохсуллуғумдан аҝаһ олан! Ја Рәбб, ја Рәбб, ја Рәбб. Сәни өз һәгигәтинә пак вә мүгәддәс затына, ән үстүн сифәт вә адларына анд верәрәк истәјирәм ки, сәни јад етмәклә вахтларымы абад едәсән, Өз хидмәтинә мүвәффәг едәсән, ишләрим һүзурунда гәбул олунсун, бүтүн әмәлләрим вә дилимә ҝәлән сөзләрим бир зикр олсун, вә даим Сәнә хидмәт һалында олум. Еј Ағам, еј мәним етимадым! Еј һалымдан Она шикајәтләндијим кәс! Ја Рәбб, ја Рәбб, ја Рәбб.”)


3576 بازدید
در حال ارسال اطلاعات...