Шрифт өлчүсү:
А+
А
А-
21 Мај 2017

Вилајәт рисаләтин батини вә сирридир

Әлинин (ә) вилајәти олмадан рисаләт нагисдир
Мөтәбәр рәвајәтләрә вә мөһкәм дәлилләрә әсасән Әли (ә) һәзрәт Мәһәммәдин (с) сирри вә батинидир. Вилајәти рисаләтин батини вә сирри гәрар вермәси Аллаһын истәјидир. Һарада Мәһәммәд (с) һүзур едирсә, һәмин батин вә сирр онунла олур. Демәк, Әлинин (ә) вилајәти олмадан рисаләт нагисдир. Гурани-кәримдә бујурулур: “Еј пејғәмбәр! Рәббин тәрәфиндән сәнә назил оланы бәјан ет. Әҝәр бәјан етмәсән, Аллаһын рисаләтини јеринә јетирмәмисән. Аллаһ сәни инсанлардан горујар. Шүбһәсиз, Аллаһ кафир гөвмү һидајәт етмәз.” (“Маидә”, 67)

Әли ибн Әбу Талибин (ә) мүгәддәс вүҹуду вилајәт мәртәбәсиндә һаггын изни илә варыг аләминә тәсир ҝөстәрир, һазыр вә гејби нүмајиш етдирир. Варлыг аләминдә һәзрәтин нуру нәзәрә алынмадан һеч бир иш ҝөрүлмүр. Демәк, һәзрәт Әлинин (ә) мәһәббәти вә вилајәтинин гәбулу олмадан инсан пејғәмбәр мәһәббәти вә Аллаһ севҝисинә јетишә билмәз. Чүнки Аллаһын вәлиси онун үчүн бир гапыдыр. Мәһәммәд (с) вә Әли (ә) нуру варлығын башланғыҹы вә давамыдыр. Һәдисдә дејилир: “Аллаһ сизинлә башлады, сизинлә сона чатдырар. Инсанларын гајыдышы да сизә доғрудур.” (“Үјуни әхбарур-Риза”, 2-272)

Үфүгләрә нәзәр салдығым заман
Əлинин варлығы олду нүмајан.
Бу сөзләр күфүрдән узагдыр, узаг,
Əлијлә башланыб битир һәр вараг.

(Мөвлана Руми.)


3199 بازدید
در حال ارسال اطلاعات...