Шрифт өлчүсү:
А+
А
А-
28 Мај 2017

МҮБАРӘК РАМАЗАН АЈЫНДА СӘФӘР ҺӨКМЛӘРИ

Сәфәр башламамыш, тәрәххүс һәддини ашмадан оруҹу позан иш ҝөрмәјә һаггыныз јохдур.
Сәккиз фәрсәх мәсафә гәт етмәк инсанын намазынын сәфәрдә гәср (4 рәкәтли 2 рәкәт) олмасына сәбәб олур. Әлбәттә, истәр бу сәккиз фәрсәхлик мәсафә бирбаша гәт едилсин, - јәни, тәгрибән 44 вә ја 45 км – истәрсә дә ҝедиб-ҝәлмәк бирликдә сәккиз фәрсәх олсун. Јәни дөрд фәрсәх ҝедин вә һәмин јолу вә ја онун гәдәр јолу гајыдын. Буну һамы билир ки, әҝәр рамазан ајында кимсә сәфәрә чыхарса, - өзүнәмәхсус шәраитдә - вә бу гәдәр мәсафәни гәт едәрсә, она оруҹ ваҹиб дејил. Јәни шиә мәзһәбинә ҝөрә, сәфәрдә оруҹ тутмаг һарамдыр. Әлбәттә, әһли-сүннә дә сәфәрдә оруҹ тутмағы ваҹиб һесаб етмир. Амма һарам олдуғуну да билдирмир. Онлар дејирләр ки, инсан сәфәрдә оруҹ тута биләр. Шиә алимләринин фикринҹә исә сәфәр һалында оруҹ тутмаг иҹазәли дејил.
Əҝәр бу сәфәр һәјата кечәрсә, беләдир. Онун өзүнәмәхсус шәртләри вар ки, рисаләләрдә ҝениш шәкилдә шәрһ едилиб. Шәртләрдән бири будур ки, сәфәрин ҝерчәкләшмәси үчүн инсан “тәрәххүс” һәддини кечмәлидир. Мисал үчүн, фәрз един ки, сиз мәскунлашдығыныз шәһәрдән вә ја мүвәггәти (он ҝүндән чох) галмаг истәдијиниз шәһәрдән рамазан ајында, ҝүндүз сәфәрә чыхмаг истәјирсиниз. Нә гәдәр ки, тәрәххүс һәддини кечмәмисиниз, әҝәр намаз гылсаныз, гәср гылмаг һаггыныз јохдур, оруҹунузу поза билмәзсиниз. Тәрәххүс һәддини кечдикдә сәфәр һөкмләри гүввәјә минәҹәк. “Һәдди-тәрәххүс” будур ки, сиз шәһәр диварлары вә ја шәһәрин гаралтысы ҝөрүнмәјәҹәк бир јерә чатасыныз.
Бәзиләри рамазан ајында ҝүндүз сәфәрә чыхмаг истәдикдә, мисал үчүн, сүбһ саат сәккиздә сәфәрә чыхаҹагларыны гәрара алдыгда, сәфәрдән сонра оруҹларынын позулаҹағыны билдикләри үчүн һәлә сәфәрә чыхмаздан өнҹә оруҹ һөкмләринә риајәт етмирләр. Сүбһ отуруб јемәк јејирләр. Һәлә сәфәрә чыхмаздан, ја һәдди-тәрәххүсү кечмәздән өнҹә сәфәр вәзијјәтини јарадырлар. Бу, дүзҝүн дејил. Сәфәрә чыхмаг истәдијиниз ҝүн, сүбһ азанындан сонра һәлә оруҹсунуз. Сәфәр башламамыш, тәрәххүс һәддини ашмадан оруҹу позан иш ҝөрмәјә һаггыныз јохдур.


Ајәтуллаһ Сејид Әли Хаменеи


3631 بازدید
در حال ارسال اطلاعات...