Шрифт өлчүсү:
А+
А
А-
01 Ијул 2017

ПЕЈҒӘМБӘРЛӘРИН ПАКЛЫҒЫНЫН ӘСАСЫ

Һәзрәт Пејғәмбәр (с) көклү бир әрәб тајфасы олан, гүрејш тајфасынын ән шәрәфли голу олан Бәни-Һашим голунда анадан олду
Суал: Пејғәмбәрләрин мәсум, пак олмасынын сәбәби нәдир? Бу мәсумлуг Аллаһдандыр, јохса онлар өз әмәлләринин сајәсиндә бу мәсумлуғу әлдә етмишләр?

Ҹаваб: Пејғәмбәрләрин мәсумлуғу, паклығы (ҝүнаһдан, хәтадан, сәһвдән узаг олмасы) онларын мәнәви вә руһи камиллијиндән гајнагланыр. Инсанларын јахшы вә пис әмәлләринин онларын руһи вә мәнәви һалындан доғмасы шүбһә доғурмур. Ҹәһаләт, јарадылыш вә мәада инамсызлыг, азғынлыг мејлләринин түғјаны кими чиркин һаллар чашгынлыг, ҝүнаһ, фәсадын мәншәси олур. Елм вә билик, иман вә мејлләрин таразлығы, пәһризкарлыг ҝүҹү инсаны ҝүнаһдан чәкиндириб, салеһ әмәлләрә сөвг етдији кими, руһи чиркинликләр дә инсаны ҝүнаһа јөнәлдир.
Пејғәмбәрләр руһи вә мәнәви ҹәһәтдән фөвгәладә иман ҝүҹү, ҝениш елм вә билијә малик олмушлар. Бүтүн сәбәбләрдән даһа чох бу ики амил онларын вүҹудунда ҝүнаһ вә азғынлығын гаршысыны алмышдыр. Ҝүнаһын чиркинлијиндән вә онун аҹы нәтиҹәсиндән там шәкилдә аҝаһ олан, еләҹә дә ҝүнаһ амилләринин гаршысында дајана биләҹәк иман вә пәһризкарлығы олан инсан һеч вәҹһлә ҝүнаһа бата билмәз.
İнди суал олуна биләр ки, инсан мәсумлуғунун, ҝүнаһсызлығынын тәминатчысы олан бу руһи һал Пејғәмбәрләрин вүҹудунда һарадан вә неҹә пејда олмушдур? Нәзәрдән гачырмамалыјыг ки, белә бир руһани камиллијин пејда олмасында бир нечә амил вар:

1. Ирсијјәт;
Биолоҝија елминдә сүбут олунмушдур ки, бир чох фәзиләт вә камилликләри әлдә етмәк истедады вә һазырлығы, һәтта хүсусијјәтләрин дә бир чоху инсана ирсијјәт јолу илә, нәсилдән нәсилә өтүрүлүр. Үмумијјәтлә, Пејғәмбәрләр пак вә саф нәсилдән олан аиләләрдә доғулмушлар. Бу нәсилләрдә камиллик вә фәзиләтләр заман өтдүкҹә мөһкәмләнмиш вә ирсијјәт ганунуна әсасән нәсилдән нәсилә верилмишдир. Бу мүһүм ҝерчәклијә бир чох һалларда тарих өзү шаһиддир. Тарихдән бәллидир ки, һәзрәт Пејғәмбәр (с) көклү бир әрәб тајфасы олан, гүрејш тајфасынын ән шәрәфли голу олан Бәни-Һашим голунда анадан олду. Бу нәсил өз доғрулуғу вә дүзлүјү, шүҹаәти, гонагпәрвәрлији, гејрәти, әдаләти, паклығы вә әманәтдарлығы илә мәшһур иди. Она ҝөрә дә әрәб гәбиләләри арасында бу гәбиләјә хүсуси бир һөрмәт ҝөстәрилирди. Һәзрәт Пејғәмбәрин тарихдә ады гејд олунмуш бабалары үмумијјәтлә, һөрмәтли, шәриф вә иманлы инсанлар олмушлар. Бәли, ирсијјәт мәсәләси пејғәмбәрләрин руһи камиллик әлдә етмәси үчүн хүсуси бир һазырлыг вә итедад шәраити јаратмышдыр. Фәзиләтләрин әлдә олунмасында али вә руһани кими сәбәбләрләрлә бир сырада дајанан ирсијјәт сәбәби чох мүһүм бир јер тутур.

2. Руһи фәзиләт вә камиллијин тәрбијә јолу илә өтүрүлмәси;
Пејғәмбәрләрдә руһи камиллијин пејда олмасынын икинҹи амили тәрбијәдир. Пејғәмбәрләр сүлаләсиндәки бир чох камиллик вә фәзиләтләр тәрбијә јолу илә өтүрүлмүшдүр. Бу амил ирсијјәт истедадыны даһа да тәкмилләшдирир вә онлар өз нәсилләриндә камил, иманлы, һушлу, шүҹаәтли фәрдләр јетишдирирләр.

3. Бир сыра гејри-мүәјјән амилләр.
Психолоҝија вә биолоҝија елмләри инсанын руһи шәхсијјәтинин формалашмасынын тәһгигиндә үнсијјәт вә тәрбијәдән әлавә, бир сыра гејри-мүәјјән амилләр силсиләси илә растлашмышлар. Бу амилләр бәзән нүтфә зәррәләриндәки ҝенләрә хүсуси тәсир ҝөстәрир вә онларда бир чох фөвгәладә руһи һал вә гүввәләр һәрәкәтә ҝәтирир. Бир груп психолог вә биолог бу фикирдәдир ки, бу амилләр нүтфәдә баш верән сычрајышлардан ибарәтдир вә бу сычрајышлар фөвгәладә бир һалдыр. Бу һал онлара руһи бахымдан хүсуси имтијазлар верир.

4. Аллаһын хүсуси бәхшиши.
Јухарыда гејд олунмуш үч амилдән әлавә, диҝәр бир мүһүм амил дә вардыр. Бу амил Аллаһын Пејғәмбәрләрә хүсуси бәхшиш вә әтасыдыр. Әввәлдә гејд олунмуш амилләр мәсум шәхсә Аллаһын хүсуси диггәтини газанмаг имканы верир. Бу илаһи бәхшиш сајәсиндә инсан вүҹудунун руһи гүввәләри ҝүҹләнир вә даһа тәсирли олур.
Бу бәхшиш инсанын руһи камиллијини ҝүҹләндирир вә она јени камилликләр әлавә едир. Аллаһын бу хүсуси лүтфү Пејғәмбәрләрин иманыны, елмини вә бәсирәтини ҝүҹләндирир. Мәсумларын вүҹудунда ҝүнаһын гаршысыны алан әсас сәбәбләр ҝүҹлү иман вә фөвгәладә биликдир. Беләҹә, мүхтәлиф амилләрин ҹәм олмасы сәбәбиндән мәсум шәхс ҝүнаһа батмагдан вә азғынлыгдан аманда галыр. Чох мараглыдыр ки, мәсум шәхс бүтүн мәрһәләләрдә ирадә азадлығына малик олур вә онун мәсумлуғу, паклығы там өз ихтијарындадыр.
Бу һиссәнин әһатәли изаһыны нөвбәти суалын ҹавабында охујаҹагсыныз. Ону да гејд едәк ки, јухарыда дејиләнләр имамлара мүнасибәтдә дә гүввәдәдир.


5652 بازدید
در حال ارسال اطلاعات...