Әбәди гуртулуш һәгиги Әһли-бејт (ә) јолуну изләмәкдир.
Һәзрәт Пејғәмбәрдән (с) нәгл олунмуш бир сыра рәвајәтләрдә Әһли-бејт (ә) нүмунәси олараг һәзрәт Әли (ә), һәзрәт Фатимә (с), имам Һәсән (ә), имам Һүсејн (ә) вә онларын нәслиндән олан мәсум имамлар нәзәрдә тутулур. Үммү Сәләмә, Ајишә, Әбу Сәид Хидри, Әбу Бәрзә Әсләми, Әбүл Һәмра Һилал ибн Һариҹ, Әбу Лејла Әнсари, Әнәс ибн Малик, Бәрра ибн Азиб, Субан ибн Бәҹдәд, Ҹабир ибн Абдуллаһ Әнсари, Зејд ибн Әргәм, Әбу-Сәләмә Мәхзуминин гызы Зејнәб, Сәд ибн Әбу Вәггас, Сүбејһ ујғун рәвајәти нәгл етмиш равиләрдир.
Сүннә әһлинин мөтәбәр китаблары ујғун рәвајәтләрә әсасланараг “Әһли-бејт (ә)” үнваныны ҝөстәрмишләр. Шиәләр Гуран вә рәвајәтләрә истинадән Әһли-бејтә (ә) бағланмыш, онлары Пејғәмбәрин (с) һәгиги ҹанишини кими танымышлар. Шиәләрин әгидәсинҹә, бу рәһбәрләрә итаәт ваҹибдир вә онлара игтида дүнја вә ахирәт сәадәтинә апарыр. Бәли, әбәди гуртулуш һәгиги Әһли-бејт (ә) јолуну изләмәкдир.
