Аллаһа шүкр олсун ки, сән тәлим олунмамыш алим вә өјрәдилмәмиш мүдриксән
Зејнәбин мүһүм хүсусијјәтләриндән бири онун елми вә савадыдыр ки, бунун дәринликләрини онун чыхыш вә нитгләриндә ҝөрмәк олур. неҹә ки, имам Сәҹҹад (ә) Куфә базарында Зејнәбин бу хүсусијјәти илә ифтихар етди вә бујурду:
«Әнти биһәмдиллаһи алимәтун ғејру муәллимәтун вә фәһимәтун ғејру муфәһһәмәтун».
“Аллаһа шүкр олсун ки, сән тәлим олунмамыш алим вә өјрәдилмәмиш мүдриксән”.
Зејнәб бүтүн мәрһәләләрдә өз вәзифәси илә таныш иди. Сүкут едилмәли јердә сүкут, фәрјад едилмәли јердә фәрјад вә ҹанфәшанлыг едилмәли јердә ҹанфәшанлыг едирди. Әһли-бејт карваныны идарә етмәкдә исә тәдбири чох һејрәтамиз иди. Гадынын шәфгәт вә һиссијатларла долу олмасына бахмајараг, һеч вахт бу һиссијат Зејнәбин дүшүнҹә вә тәдбиринә галиб олмады, ону өз илаһи вәзифәсиндән гафил етмәди. О, ән горхулу сәһнәләрдә дүшүнҹә илә давранды вә буна ҝөрә дә “Әгилеје бәни һашим” јәни, бу ханәданын биликли гадыны ады илә танынды.
