Шрифт өлчүсү:
А+
А
А-
17 Нојабр 2017

МӘСУМЛАРЫН НАМАЗЛАРЫ

Илаһи әманәт јүкүнү дашымаг бәшәр үчүн ән бөјүк ифтихардыр.
Дин өвлијаларынын вә мәсумларын неҹә намаз гылмасы онларын ардыҹыллары үчүн илһамвериҹи дәрс вә нүмунәдир. Бурадаҹа онларын намазларындан бәзи нүмунәләрә ишарә едәк:
Азан сәдасы Аллаһын рәсулу (с) үчүн о гәдәр севимли вә ҹазибәли иди ки, азан заманы Билала бујурурду: “Еј Билал, бизи гүссә-кәдәрдән хилас ет.” Һәзрәт (с) бујурду: “Һәр кәс азан сәдасыны ешидиб етина ҝөстәрмәсә, зүлм етмишдир.” (“Нәһҹүл-фәсаһә”, 132-ҹи ҹүмлә.)
Намаз заманы һәзрәт Әлинин (ә) рәнҝи гачырды, о титрәјир вә дејирди: “Намаз вахты чатмышдыр. Аллаһын ҝөјләрә, јерә вә дағлара вердији, лакин онларын горхуб гәбул етмәдији әманәтин вахты!” (“Тәфсири Сафи”, 2-ҹи ҹилд, сәһ.370.)
İлаһи әманәт јүкүнү дашымаг бәшәр үчүн ән бөјүк ифтихардыр.

Шаир дејир:

Сәма ҝөтүрмәди бу әманәти,
İнсана јаздылар бу ләјагәти.


Имам Сәҹҹад (ә) намазда “малики јәвмид-дин” ҹүмләсини о гәдәр тәкрар едирди ки, баханлар онун ҹан вердијини дүшүнүрдүләр. (“Биһар”, 84-ҹү ҹилд, сәһ.274.)
О, сәҹдәдә тәр ичиндә олурду.
Имам Багир (ә) бујурур: “Атам имам Сәҹҹад (ә) ҝеҹә вә ҝүндүз әрзиндә мин рәкәт намаз гылырды.” (“Вәсаил”, 1-ҹи ҹилд, сәһ.68.)
Аллаһын рәсулу (с) намаз вахты чатаркән елә бил һеч кәси танымырды вә хүсуси мәнәви һалда олурду. (“Биһар”, 84-ҹү ҹилд, сәһ.258.)
О бујурду: “Аҹ јемәкдән, сусуз судан дојур. Лакин мән намаздан дојмурам.” (“Мустәдрәкул-вәсаил”, 1-ҹи ҹилд, сәһ.174)
Һәзрәт Әли (ә) Сиффејн дөјүшүндә ҝүнәши изләјир, арабир сәмаја бахырды. Ибн Аббас бу ишин сәбәбини сорушду. О һәзрәт бујурду: “Истәмирәм ки, илкин вахтын намазыны әлдән чыхарам.” Ибн Аббас деди: “Инди?” Һәзрәт (ә) бујурду: Бәли! (“Сәфинәтул-биһар”, 2-ҹи ҹилд, сәһ.44.)
Бәли! Балыглар үзмәкдән јорулмадығы кими илаһи өвлијалар да ибадәт вә намаздан јорулмур, әксинә, һәр ибадәтдән сонра Аллаһ дәрҝаһында бәндәлик үчүн даһа да һәвәсләнирләр.
Нәгл олунур ки, мәрһум Әлламә Әмини (“Әл-Ғәдир” китабынын мүәллифи) рамазан ајы һәзрәт Ризанын (ә) пак һәрәминдә һәр ҝеҹә 1000 рәкәт намаз гылырды... (Нәгл едән: Ајәтуллаһ Мирварид; Мәшһәд) Илаһи өвлијаларын мәктәбиндә ешг вә мәһәббәт дәрси өјрәнәнин јолу будур. Азад бәндәләр вә илаһи өвлијалар намаз заманы ешглә намаза дурар, әтирләнәр, ән јахшы палтарларыны ҝејәрләр. Онларын рәнҝләри дәјишәр вә намазын истигбалына чыхарлар. Онлар Аллаһын инајәтинә чатмамагдан вә ја намаз заманы тәвазө вә гәлб иштиракындан узаг олмагдан горхарлар.


5216 بازدید
در حال ارسال اطلاعات...