Шрифт өлчүсү:
А+
А
А-
19 Декабр 2017

Бүтүн мүсәлманлар мөминдир, јохса мүсәлманла мөмин арасында фәрг вар?

Һәгиги имана чатмаг үчүн бир чох мәрһәләләрдән кечмәк лазым ҝәлир.
“Нәср” сурәсинин икинҹи ајәсиндә инсанларын дәстә-дәстә Аллаһын дининә дахил олдуглары билдирилир. “Һуҹурат” сурәсинин 14-ҹү ајәсиндә исә бәјан олунур ки, “һәлә ки, иман сизин гәлбинизә дахил олмајыб.” Ајәдән ҝөрүндүјү кими, инсанларын динә дахил олмасы кифајәт дејил вә мүсәлман олмагла мөмин олмаг арасында фәрг вар.
Диндарлығын мәрһәләләри вар: гызма, гајнама вә бишмә. Һәм исти, һәм дә гајнајан шеј сојуја биләр. Амма бишмиш шеј јенидән чиј ола билмәз.
Динә дахил олмаг асандыр. “Әшһәду әнла илаһә илләллаһ вә әшһәду әннә Муһәммәдән рәсулуллаһ” дејән шәхс мүсәлман олур. Бу гызма мәрһәләсидир.
Пејғәмбәрин сәһабәләри гајнар бир ешглә ҹәбһәјә ҝедәр вә һагг јолунда ҹанларындан кечәрдиләр. Бу, гајнама мәрһәләси иди. Амма Гуран бу инсанлара бујурур: “Әлә кечирдијиниз гәнимәтин бешдә бирини хүмс өдәјин.” (“Әнфал”, 41.) “Онларын өз Рәбби јанында дәрәҹәләри вардыр.” (“Әнфал”, 4.) “Иман ҝәтирмәдикләри һалда “Аллаһа вә гијамәт ҝүнүнә иман ҝәтирдик” дејәнләр вар.” (“Бәгәрә”, 8.)

Бәли, шәһадәт кәлмәләрини дејәнләр, һәтта пејғәмбәрлә чијин-чијинә вурушанлар үчүн гаршыда һәгиги имана апаран јол вар. Һәгиги имана чатмаг үчүн бир чох мәрһәләләрдән кечмәк лазым ҝәлир.


3124 بازدید
در حال ارسال اطلاعات...