Шрифт өлчүсү:
А+
А
А-
23 Декабр 2017

«Зикр әһли» кимдир?

Инсан ону марагландыран мәсәлә барәдә мүтәхәссисә мүраҹиәт етмәлидир
«Нәһл» сурәсиндә «билмәдијинизи зикр әһлиндән сорушун» бујурдуғунда, кимә мүраҹиәт олунмасы нәзәрдә тутулур?
İмам Әли ибн Муса әр-Риза (ә) бујурур: «Зикр әһли бизик вә биздән дә сорушмалысыныз». Имам Багир (ә): «Зикр Гуран, зикр әһли исә, Пејғәмбәрин (с) Әһли-бејтидир. Онлардан да сорушмаг лазымдыр». («Нурус-сәгәлејн», 3-ҹү ҹилд, сәһ. 55.)
Ибн Аббас ујғун ајәнин тәфсириндә дејир: «Зикр әһли Мәһәммәд, Әли, Фатимә, Һәсән вә Һүсејндир».
Зикрин мәнасы аҝаһлыг вә хатырлама олдуғундан, бу сөзүн Гурани-кәримә аид едилмәси там мәнтигәујғундур. Гуран зикр һесаб олундуғу тәгдирдә, Пејғәмбәр (с) вә онун әһли-бејтинин (ә) зикр әһли олмасы инкаредилмәздир.
Тәәҹҹүблү дә олса, бәзиләри «зикр әһли»ни «китаб әһли» кими тәрҹүмә етмишдир. Имам Әли ибн Муса әр-Риза (ә) «зикр әһли» ифадәсини јәһуди вә мәсиһи алимләринә аид едәнләрә белә бујурур: «Сүбһанәллаһ! Мәҝәр белә бир шеј мүмкүндүрмү?! Әҝәр биз јәһуди вә мәсиһи алимләринә мүраҹиәт етсәк, онлар бизи өз мәзһәбләринә дәвәт едәрләр. Зикр әһли бизик!». («Нурус-сәгәлејн», 3-ҹү ҹилд сәһ. 57.)
Јухарыда дејиләнләрдән ајдын олду ки, инсан ону марагландыран мәсәлә барәдә мүтәхәссисә мүраҹиәт етмәлидир. Һәр бир шәхс өз хәстәлијинин мүалиҹәси үчүн етибарлы һәким ахтардығы кими, дини мәсәләләрдә дә ән әдаләтли вә ән алим мүҹтеһидә үз тутмалыдыр.


3213 بازدید
در حال ارسال اطلاعات...