Шрифт өлчүсү:
А+
А
А-
04 Феврал 2018

Пејғәмбәри (с) гоҹалдан сурә һансыдыр?

Јахынлары һәзрәт Пејғәмбәрдән (с) сачынын тез ағармасынын сәбәбини сорушанда...
«Нурус-сәгәлејн»дә һәзрәт Пејғәмбәрин (с) белә бујурдуғу нәгл олунур: «Һуд» сурәси мәни гоҹалтды». (2-ҹи ҹилд, сәһ.334.)
Бу сурәнин ајәләриндән алынан үмуми нәтиҹә будур ки, мүсәлманлар һеч вахт дүшмәнин чохлуғу вә һүҹумларынын шиддәтинә ҝөрә мејдандан гачмамалыдырлар.
Ибн Аббас нәгл едир: «Һәзрәт Пејғәмбәр (с) үчүн һеч бир ајә «Сәнә әмр едилдији кими истигамәтлән» («Һуд» сурәси, ајә 112.) ајәси гәдәр чәтин ҝәлмәмишди».
Јахынлары һәзрәт Пејғәмбәрдән (с) сачынын тез ағармасынын сәбәбини сорушанда, Һәзрәт (с) «Һуд» сурәсини сәбәб ҝөстәрди. («Мәҹмәүл-бәјан», 5-ҹи ҹилд, сәһ.199.)
Башга бир рәвајәтдә исә нәгл олунур ки, «Һуд» сурәсинин 112-ҹи ајәси назил оланда, Һәзрәт (с) бујурду: «Әтәјинизи кәмәринизә кечирин». Бу һадисәдән сонра Һәзрәти (с) бир даһа ҝүлән ҝөрән олмады. («Әл-мәнсур».)
Һаггында бәһс етдијимиз ајәдә дөрд ҝөстәриш вардыр: «Сәнә әмр едилдији кими истигамәтлән. Сәнинлә бирликдә иман ҝәтирәнләр дә дүз олсунлар. Түғјан етмәјин ки, Аллаһ сизин нә етдикләринизи ҝөрүр». («Һуд» сурәси, ајә 112.) Биринҹиси, Һәзрәтин (с) истигамәтләнмәси, икинҹиси, бу истигамәтин илаһи рәнҝдә олмасы, үчүнҹүсү, Һәзрәтин (с) өз әтрафындакы мүсәлманлары истигамәтләндирмәси вә нәһајәт дөрдүнҹү ҝөстәриш, бу мүбаризәдә әдаләтә риајәт олунмасыдыр. Башга сөзлә, истигамәт, ихлас, мөминләрә рәһбәрлик вә һәдди ашмамаг.


3170 بازدید
در حال ارسال اطلاعات...