Шрифт өлчүсү:
А+
А
А-
11 Феврал 2018

Јени доғулмуш көрпә нә дәрәҹәдә ҝөрмәк, ешитмәк вә һисс етмәк ҝүҹүнә маликдир?

О, ән кичик һәрәкәти белә нәзәрдән гачырмыр
Доктор Ли Салк ҹаваб верир

Мүталиә вә мүшаһидәләрдән ајдын олур ки, јени доғулмуш көрпә ҝөрүр, ешидир, диггәт јетирир, һәрәкәтдә олан објектләри сечир. Онун ҝөрмә, ешитмә, дадма, тохунма гохулама кими һисс үзвләри фәалијјәт ҝөстәрир. Доғулмуш көрпә 48 саатдан сонра ҝөзләри илә әтрафдакы һәрәкәтләри изләмәјә башлајыр. О, ағ-гара рәнҝләрә нисбәтән ачыг рәнҝләрә даһа чох үстүнлүк верир. Реаксијалар тәсадүфи характер дашымыр. Көрпә ананын һәрәкәт ритмини диҝәрләринин һәрәкәт ритминдән сечир. Шәхси мүшаһидәләримдән бу нәтиҹәјә ҝәлмишәм ки, тәзә доғулмуш көрпәләрин сахландығы отагда һәр һансы бир сәс, хүсуси илә тәбии үрәк дөјүнтүсү сәси онларын аз ағламасына сәбәб олур. Ушагда асанлыгла мүшаһидә олунан хүсусијјәтләрдән бири онун тәкрар һәрәкәтләри јадда сахламасыдыр. О, мүхтәлиф һәрәкәтләрә фәргли реаксија ҝөстәрир, тәкрар етдији һәрәкәтләрә вәрдиш едир. О, ән кичик һәрәкәти белә нәзәрдән гачырмыр. Арашдырмалардан мәлум олур ки, көрпә шәраитә тез ујғунлашыр вә тез дә јорулуб јени шәраит тәләб едир. Онун мүхтәлиф һәрәкәтләри фәргләндирмәси ҝөз габағындадыр. Бу мүшаһидәләр ону да ҝөстәрир ки, јени доғулмуш көрпә јаддаша маликдир. Хошбәхтликдән һамы билир ки, һисс үзвләринин һәрәкәтә ҝәлмәси вә бунун нәтиҹәсиндә әсәб системинин ојанмасы көрпәнин ҝәләҹәк әһатә даирәсини ҝенишләндирир.


3199 بازدید
در حال ارسال اطلاعات...