Әҝәр шејтан аҝаһ вә иманлы ади инсаны алдада билмирсә...
Батилә арха чевириб, һәгигәтә үз тутан инсан шејтанын һәдәфинә чеврилир.
«О шејтан ки, инсанларын үрәкләринә вәсвәсә салыр». («Нас» сурәси, ајә 5.) Гуран ајәләриндән мәлум олур ки, бу вәсвәсәләрдән кимсә суғорталанмамышдыр:
«(Ја Мәһәммәд) Сәндән әввәл дә елә бир рәсул, елә бир нәби ҝөндәрмәдик ки, шејтан онун арзу-диләјинә бир хәләл гатмасын. Лакин Аллаһ шејтанын вәсвәсәсини батил едәр». («Һәҹҹ» сурәси, ајә 52.)
Лакин шејтанын инсана тәлгини ҹавабсыз да гала биләр. Аҝаһ вә иманлы инсанларын һәгигәти батилдән сечмәкдә һеч бир чәтинлији јохдур. Гуран охујан инсанын гәлбиндә нүфуз едиб ајәләрә шүбһә доғуран шејтан, даим ики мүнасибәтлә үз-үзәдир: о, аҝаһ вә иманлы инсандан рәдд ҹавабы алыр, ҹаһил инсанлары товламаға наил олур.
Ислам дүшмәнләри шејтанын нүфузуну тәсдиг едән ајәләрдән суи-истифадә едәрәк, һәтта һәзрәт Пејғәмбәрин (с) дә товландығыны иддиа едирләр. Бу мүддәаја да јалныз авамлар инана биләр. Әҝәр шејтан аҝаһ вә иманлы ади инсаны алдада билмирсә, даим илаһи ҝөстәришләрдән фајдаланан Пејғәмбәри неҹә алдада биләр?! (Хатырладаг ки, Адәмлә шејтанын әһвалатында Адәм ҝүнаһа јол вермәмишди. Садәҹә, јахшы бир иш тәрк олунмушду).
