Онлар бир-бириндән ајрылмамыш ҝүнаһлары бағышланар.
Пејғәмбәр (с) бујурмушдур:
“Салам, Аллаһын адларындан биридир. Она ҝөрә дә саламы өз аранызда јајын. Әҝәр бир киши мүсәлманларын јанындан кечсә вә онлара салам вердикдә онлардан ҹаваб ешитмәсә, мүсәлманларын ән јахшысы она салам версин.” (“Мүстәдрәкүл-вәсаил”, ҹ. 8, сәһ. 302.)
“Мүсәлман мүсәлман гардашы илә ҝөрүшдүјү заман она салам версин вә онунла әллә ҝөрүшсүн. Онлар бир-бириндән ајрылмамыш ҝүнаһлары бағышланар.” (“Мүстәдрәкүл-вәсаил”, ҹ. 8, сәһ. 359.)
Һәзрәт Әли (ә) бујуруб:
“Рәсулуллаһ бизә әмр едиб ки, әҝәр бир киши сизин јаныныза ҝәлсә вә салам вермәсә, јанынызда јемәк олса белә, ону сүфрәјә дәвәт етмәјин.” (Һәмин, сәһ. 356.)
