Шрифт өлчүсү:
А+
А
А-
22 Апрел 2018

БУ ҜҮН ИМАМ СӘҸҸАДЫН (Ә) МҮБАРӘК МӨВЛУД ҜҮНҮДҮР

Һиҹрәтин алтымыш биринҹи илинин мәһәррәм ајында атасынын ингилаб вә шәһадәти заманы Кәрбәлада олмушдур.
Имам Сәҹҹад әлејһиссәламын һәјаты барәдә гыса мәлумат

Имам Сәҹҹад (әлејһиссәлам) шиәләрин үчүнҹү Имамы Һәзрәт Һүсејн ибн Әли әлејһиссәламын оғлудур. Анасы Шәһрәбану (Үсули-кафи, ҹ.1, сәһ.467; Әл-Иршад, сәһ.253.) олмуш, ән мәшһур ләгәби Зејнүл-Абидин вә Сәҹҹаддыр. Имам Сәҹҹад (әлејһиссәлам) һиҹрәтин отуз сәккизинҹи илиндә (Әл-Иршад, сәһ.253; Дәлаилүл-имамәт, сәһ.80.) дүнјаја ҝәлмишдир. Ушаглыг илләрини Мәдинә шәһәриндә кечирмишдир. О, тәхминән ики ил бабасы Әли әлејһиссәламын һакимијјәт илләрини ҝөрмүш, ондан сонра исә он ил әмиси Һәзрәт Һәсән әлејһиссәламын Имамәт дөврүнү дәрк етмишдир. Имам Һәсән (әлејһиссәлам) бу он илин јалныз алты ајыны заһири һакимијјәт башында дурмушдур.
Һиҹрәтин әллинҹи или Имам Һәсән әлејһиссәламын шәһадәтиндән сонра Мүавијәнин һакимијјәтинин мөһкәмләндији бир дөврдә онунла мүбаризә апаран Имам Һүсејн (әлејһиссәлам) илә он ил чијин-чијинә дурмушдур. Һиҹрәтин алтымыш биринҹи илинин мәһәррәм ајында атасынын ингилаб вә шәһадәти заманы Кәрбәлада олмушдур. Кәрбәла фаҹиәсиндән сонра диҝәр Әһли-бејт әсирләри илә бирликдә Куфәјә, сонра исә Шама әсир апарылмышдыр. Бу сәфәрдә о, мүсибәт вә чәтинликләр заманы диҝәр әсирләрин пәнаһы вә һимајәдары олмушдур. О, бу сәфәр заманы өз мәтин чыхышлары илә Језидин һакимијјәтини рүсвај етди вә Шамдан гајытдыгдан сонра Мәдинә шәһәриндә јашамаға башлады. Нәһајәт һиҹрәтин дохсан дөрд, ја да дохсан бешинҹи или шәһадәтә говушду. О Һәзрәт Бәги гәбиристанлығында әмиси Имам Һәсән әлејһиссәламын гәбринин кәнарында дәфн олунмушдур.


4107 بازدید
در حال ارسال اطلاعات...