بِسْمِ اللَّهِ الرَّحْمَٰنِ الرَّحِيمِ إِذَا وَقَعَتِ الْوَاقِعَةُ لَيْسَ لِوَقْعَتِهَا كَاذِبَةٌ خَافِضَةٌ رَافِعَةٌ
"Вагиә гопаҹағы заман онун гопдуғуну һеч кәс дана билмәз. О (кафирләри) алчалдаҹаг, (мөминләри дә) уҹалдаҹагдыр." (Вагиә, 1-3).
Изаһ: Гијамәт елә бир ҝүндүр ки, заһири дүнја мәгам вә үстүнлүкләри сона чатаҹаг вә һәр кәс өз ҝерчәк јерини ҝөрәҹәкдир. (Дүнјада тәһгир олунан) мөминләр әзиз вә һөрмәтли олаҹаг, (дүнјада заһири шөвкәт вә ҹаһ-ҹалал саһиби олан) кафирләр тәкәббүр вә гүрур тахтындан ашағы чәкиләҹәк, өз ҝерчәк јерләрини анлајаҹаглар.
Һәдис: Имам Сәҹҹад (ә) – јухарыдакы ајәләрдә сөзүҝедән Гијамәт вәсфләрини изаһ едәркән – :
“Гијамәт ҝүнү Аллаһын дүшмәнләрини Ҹәһәннәмә доғру ашағы чәкәҹәк, Аллаһын достларыны исә Ҹәннәтә доғру јухары чәкәҹәкдир.” (Биһарул-әнвар, ҹ. 70, сәһ. 92).
