Аллаһа иман ҝәтирәнләр вә ҹан-дилдән иманларынын доғру олдуғуну сүбут едәнләрдир
يَا أَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ
"Еј иман ҝәтирәнләр! Аллаһдан горхун вә дүз данышанларла бирликдә олун." (Төвбә, 119).
Изаһ: “صادِقِينَ” (садигин) данышығы вә давранышы һагга ујғун оланлара дејилир. “Бәгәрә” сурәсинин 177-ҹи ајәсиндә “صادِقِينَ” (садигин) ифадәси иман ҝәтирән вә салеһ әмәлләр едәнләрә аид едилмишдир. “Ниса” сурәсинин 69-ҹу ајәсиндә исә онлар пејғәмбәрләрлә бирҝә вә бөјүк илаһи немәтләр бәхш едиләнләр сырасында верилмишдир. Бүтүн бунлардан ајдын олур ки, һәгиги “доғручулар” бүтүн варлыглары илә Аллаһа иман ҝәтирәнләр вә ҹан-дилдән иманларынын доғру олдуғуну сүбут едәнләрдир. Бу ајә мөминләри доғру вә дүз данышанларла бирликдә олмаға сәсләјир. Аллаһын доғру данышанлара итаәт етмәк әмриндә һеч бир гејд-шәрт јохдур. “صادِقِينَ” (садигин) дедикдә доғру данышдыглары мәлум олан кәсләр нәзәрдә тутулур. Бүтүн бунлар ҝөстәрир ки, “доғручулар” сөзләри вә әмәлләри динә ујғун олан, доғрулугдан вә дүрүстлүкдән башга бир шеј ҝөрүнмәјән мәсумлардыр (ә).
Һәдис: Имам Рза (ә) – јухарыдакы ајәни изаһ едәркән – :
“Доғручулар”да мәгсәд Аллаһа итаәтдә сөз вә әмәлләри доғру олан имамлардыр.” (Кафи, ҹ. 1, сәһ. 208, һәдис: 2).
