Инди онлар һәлә гәфләтдәдирләр...
وَأَنْذِرْهُمْ يَوْمَ الْحَسْرَةِ إِذْ قُضِيَ الْأَمْرُ وَهُمْ فِي غَفْلَةٍ وَهُمْ لَا يُؤْمِنُونَ
"Сән онлары ишин битмиш олаҹағы пешманчылыг чәкиләҹәк ҝүнлә горхут! Инди онлар һәлә гәфләтдәдирләр вә иман ҝәтирмирләр." (Мәрјәм, 39).
Изаһ: “Пешманчылыг ҝүнү” Гијамәт ҝүнү инсанларын чохунун пешмачылыг вә тәәссүф ичиндә олаҹағыны ҝөстәрән ән ифадәли аддыр. Кафирләр өз күфр вә азғынлыгларындан, ҝүнаһкар мөминләр бәзи әмәлләриндә ҝүнаһ вә Аллаһа асиликдән, һәтта бәзи әмәлисалеһ мөминләр ибадәтләринин аз олмасындан пешманчылыг дујаҹаг вә тәәссүф едәҹәкләр. Јухарыдакы ајә ән ҝөзәл ифадә илә кафир вә гафилләрин о ҝүн пешман олаҹағындан хәбәр верир.
Һәдис: Имам Багир (ә):
“Пешманчылыг ҝүнү о ҝүндүр ки, өлүм инсанларын гаршысында бир гојун сурәтиндә ашкар олаҹаг вә кәсиләҹәк. Сонра Ҹәннәт вә Ҹәһәннәм әһлинә дејиләҹәк: “Бурада әбәди олараг галын. Чүнки артыг өлүм јохдур”. О заман Ҹәннәт әһли о гәдәр шад олаҹаг ки, о ҝүн (араларында) өлү олсајды, дириләрди. Ҹәһәннәм әһли елә пешманчылыг чәкәҹәк ки, әҝәр о ҝүн өлмәк мүмкүн олсајды, һамысы өләрди.” (Биһарул-әнвар, ҹ. 8, сәһ. 345, һәдис: 2).
