Дүшмәнчилик, кин-күдурәт, дахили һәгарәт вә иманын зәифлији пахыллығын мејдана ҝәлмәсинин ән мүһүм сәбәбләридир.
أَمْ يَحْسُدُونَ النَّاسَ عَلَىٰ مَا آتَاهُمُ اللَّهُ مِنْ فَضْلِهِ فَقَدْ آتَيْنَا آلَ إِبْرَاهِيمَ الْكِتَابَ وَالْحِكْمَةَ وَآتَيْنَاهُمْ مُلْكًا عَظِيمًا
"Јохса онлар Аллаһын Өз лүтфүндән инсанлара вердији шејә ҝөрә онлара һәсәд апарырлар? Биз Ибраһимин нәслинә дә ктаб вә һикмәт бәхш етмиш вә онлара бөјүк бир сәлтәнәт вердик." (Ниса, 54).
Изаһ: “حسد” (һәсәд) сөзү Гуранда јалныз беш дәфә ишләнсә дә онун мәфһуму Гуранын бир чох ајәләриндә – хүсусилә “بغی” (бәғј) сөзүнүн бәзи формаларында – тәкрарланмышдыр. Гурана ҝөрә бир чох ҝүнаһларын көкүндә һәсәд дајаныр. Неҹә ки, бу ајәдә дә һәсәд китаб әһлинин Пејғәмбәрлә (с) дүшмән олмасынын сәбәби кими ҝөстәрилмишдир. Иблисин Адәмә (ә) вә Габилин өз гардашына һәсәд апармасы бу ҝүнаһын инсанларын јолуну азмасында ојнадығы ролу ҝөстәрән диҝәр нүмунәләрдир. “Фәләг” сурәсинин сон ајәсиндән анлашылдығына ҝөрә пахыл инсан о гәдәр шәр вә пислик мәншәјидир ки, ондан хилас олмағын јеҝанә јолу Аллаһа сығынмагдыр. Дүшмәнчилик, кин-күдурәт, дахили һәгарәт вә иманын зәифлији пахыллығын мејдана ҝәлмәсинин ән мүһүм сәбәбләридир. Гејд едәк ки, һәсәд – башгасына верилән немәтин тәләф олмасыны арзу етмәк – вә гибтә – башгаларына верилән немәтләрин тәләф олмасыны истәмәдән өзүнә дә о немәтләрдән арзуламаг – арасында фәрг вар. Мәнәви мәсәләләрдә гибтә етмәк хошаҝәлән һалдыр.
Һәдис: Имам Багир (ә):
“Од чырпыны једији кими һәсәд дә иманы јејир.” (Кафи, ҹ. 2, сәһ. 306, һәдис: 1).
