Шејтан вә инсанын һарын нәфси даим чалышыр ки, дүнја дәбдәбәсинә һәддиндән чох мәфтунлуг јарадараг...
Гәфләт вә Аллаһы хатырламагдан узаг олма амилләри
يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَنْ ذِكْرِ اللَّهِ وَمَنْ يَفْعَلْ ذَٰلِكَ فَأُولَٰئِكَ هُمُ الْخَاسِرُونَ
"Еј иман ҝәтирәнләр! Нә малларыныз, нә дә өвладларыныз сизи Аллаһын зикриндән јајындырмасын! Буну едәнләр зијана уғрајанлардыр."Â (Мунафигун, 9).
Изаһ: Гәфләт вә Аллаһы хатырламагдан узаг олманын ән мүһүм амили дүнја вә она аид оланлара көнүл вермәкдир. Шејтан вә инсанын һарын нәфси даим чалышыр ки, дүнја дәбдәбәсинә һәддиндән чох мәфтунлуг јарадараг ону дүнјанын кечиҹилији һәгигәтиндән узаг тутсун вә башыны јаланчы мәһбублара гатсын. Амма мөмин – дүнјанын һалал һәзләриндән фајдаланмагла јанашы – әсла дүнјаја бағланмыр. Чүнки бу һәзләрин – илаһи рәнҝә бојанмадыгда – кечиҹи вә зијанлы олдуғуну билир. Бу ајәнин мәзмуну инсана хәбәрдарлыг едир ки, бәзән мүбаһ дүнјәви мараглар да инсаны Аллаһы хатырламагдан јајындырыр. Буна ҝөрә дә даим Аллаһы һәгиги мәһбуб олараг сечмәк вә она көнүл вермәк лазымдыр.
Һәдис: Имам Әли (ә):
“Дүнја сәни алдадыр, гәфләтә салыр, сәнә сеһр вә ҹаду едир.” (Әмали, Туси, сәһ. 652, һәдис: 1353).
