Вади әл-муһәссир (Һәсрәт вадиси) Мәккә јахынлығында Мина вә Муздәлифә арасында јерләшир. Вади ән-нар (Од вадиси) вә Вади әл-мәғзуб әләјһим (Гәзәбә ҝәлмиш вади) кими дә адланан бу мәкан 20 метр ениндә вә 2 км. узунлуғундадыр.
Аллаһ Евинин һаҹылары Пејғәмбәри (с) өрнәк ҝөтүрәрәк бу вадијә чатдыгда, бурадан сүрәтлә өтүб кечмәјә чалышырлар.
Кәбәни дағытмаг үчүн ҝәлмиш Әбрәһә ордусуна Вади әл-муһәссирдә Аллаһын гәзәби назил олдуғу вә Әбабил гушларынын васитәсилә һәлак олдуглары үчүн бу мәканда дајанмаг гадаған олунмушдур.
Вади әл-муһәссир нә Минадан, нә дә Мәшәрдән сајылыр. Һаҹылар Мәшәрдән кечдикдән сонра Вади әл-муһәссирә чатырлар, даһа сонра Минаја дахил олурлар. Онларын бу мәканы бир гәдәр сүрәтлә өтмәси, јахуд бураја чатдыгда гача-гача өтүб-кечмәси бәјнәлилир вә бурада галмалары, јахуд дајанмалары иҹазәли дејил.
Һәҹҹ әмәлләри китабларында вурғуланыр ки, ҝүнәш чыхмаздан габаг бу вадидән кечмәк вә Минаја дахил олмаг иҹазәли дејил.
