Әрдоған Азәрбајҹан халгынын өз бајрамыны гејд етдији ҝүндә дә фүрсәти фөвтә вермәјиб, тәләм-тәләсик өзүнү јетириб Азәрбајҹана. Адам өзүнү бәлкә дә Гарабағ мүһарибәсинин әсас сәбәбкары вә галиби һесаб едир. Елә дә дуруб ҝәлиб ки, ҝүја Гарабағда ҹанларыны гурбан верән Имам Һүсејн (ә) ашиги олан шиә балалары дејил, бир заманлар әлиндән өпдүјү вә јенә бир заманлар Фәтуллаһын әлијлә дүзәнләнән һәрби чеврилишин горхусундан отелдә дабанына түпүрүб гачан Әрдоғандыр.
Һамы билир ки, “гардашым Әсәд”дән, “гатил Әсәд”ә гәдәр дәјишән Әрдоғана сабаһ ағабабалары әмр еләсә бу ҝүн гардашым дедији Илһам Әлијевә дә сабаһ “гатил Илһам” дејәҹәк.
Садәҹә, Гарабағы алмышкән бир шеј гопартмаса әл чәкмәк истәмир. Суријаны ишғал едиб Әмәви ҹамисиндә мәнәви атасы Језидин, Мүавијәнин мәсҹидиндә намаз гылмаг үрәјиндә галандан сонра Шушада, шиә балаларынын Имам Һүсејн (ә) ешгијлә ишғалдан азад етдикләри вә шиә азаны охудуглары мәсҹиддә дә шиә ритуалларыны ҝөзү ҝөтүрмәјән бу адам мүтләг шиәјә илишмәли иди.Â
Нәһајәт, шиәни ҝөрән ҝөзү олмајан бу адам бир шиә мәмләкәтинә ҝәлир, шиә халгынын бајрам севинҹинә соған доғрајыр. Ҹамаат Имам Һүсејн (ә) шүарлары сајәсиндә алынан Гарабағын севинҹини јашајаркән бу ҝәлир Араз шеири охумагла башга шиә мәмләкәти олан Ирана сөз атыр. Бизим бәзи надан пантүркләр дә буна ҝүја дәстәк верир.
Бу, Ирандна әлавә һәм дә Азәрбајҹана һәгарәтдир. Чүнки Араз сәрһәди һәтта Азәрбајҹан дөвләти тәрәфиндән, бирбаша Әрдоғанын гардаш дедији Илһам Әлијев тәрәфиндән “достлуг сәрһәди” кими гәләмә верилмишди.
Бахын, инди бунун партијасынын сөзчүләри ҝүја Әрдоғана иранлылар сајғысызлыг едибмиш кими дуруб утанмадан-гызармадан иранлылара “хәбәрдарлыг” да едирләр. Түркијәли гардашларымызын ҝөзәл бир ата сөзү вардыр: һәм сучлу, һәм ҝүҹлү. Демәли, онун атмаҹаларындан сонра Иранда да тәбии олараг сепаратизмә јол ачан бу мүнасибәтдән сонра Әрдоғаны сәрт тәнгид едәнләр олду. Санки бунлар Гарабағ мүһарибәсиндән сонра бир шилт салыб ики шиә өлкәси олан Азәрбајҹанла Иранын арасыны вурмаға чалышырлар. Һеч Азәрбајҹанын да марағында дејил ки, Әрдоған ҝәлиб бурда фитнә мотивли сајыгламалар етсин. Инди һәр ики өлкәÂ - ордан Иран, бурдан Түркијә башлајаҹаг сөзлә атышмаға. Фитнә бөјүсә бүтүн дүнјада сорушаҹаглар ки, неҹә олду Иранла Түркијә “даваја башлады?” ҹаваб: неҹә олаҹаг, Түркијә президенти дуруб сепаратчылыгла мәшғул олуб. Үстәлик, Иран түркләри тәрәфиндән јахшы да ҹаваб алды. Иран Азәрбајҹаны әразиләринин дөрд руһаниси Түркијәнин ҹавабыны јахшыҹа верди. Үстәлик, түркдилли Тәбриз ҹамааты да Түркијәнин Тәбриздәки консуллуғу өнүндә етиразлар етдиләр.
Амма, шилт салмаг үчүн Азәрбајҹана ҝәлән, Имам Һүсејн (ә) ашигләринин Гарабағ севинҹинә соған доғрамаг мәгсәди ҝүдән Әрдоғана хатырлатмаг лазымдыр ки, ҝедиб илләрдир савашдығы күрдләрдән данышсын. Ирандан кимсә һансыса өлкәдә ҝедиб Түркијә кердләрини елә түркләр демишкән “кышгырдыбмы?” Демәли, Әрдоған да тәхрибатдан әл чәкмәлидир.
