Едибсә нијә һәлә дә АМЕА президентидир?
ЈАП үзвү, сабиг депутат, ҜӨЗҜИРӘН Алгыш Мусајев Рамиз Меһдијевин һаггында ҝүја сенсасион сөзләр дејиб. Ејб етмәз, гој бир-бирини гырсынлар. Бунларын сајы нә гәдәр азалса, бир-биринин зибилләрини нә гәдәр чох ачыб-төксәләр халгын бир о гәдәр чох хејринәдир. Халг да ки, машаллаһ гыш јухусундадыр.
Бунлар бир мәсәләни анламыр ки, ејни партија вә һакимијјәтдә тәмсил олундуглары һалда бир-биринин зибилинин үстүнү ачмагла әслиндә өз партијаларыны ифша едирләр. Бунларын һәр зибили тәмсил етдикләри партија вә һакимијјәтин ҝүзҝүсүдүр.
Тәбии ки, Алгыш Мусајев һазырда һакимијјәтин алгышыны газанмаг үчүн бу ҹүр данышыр. Онун “духу” чатырдыса Рамиз Меһдијев әввәлки вәзифәсиндә оланда бу ҹүр данышарды. Даныша билмәзди ахы. Чүнки онун ПА рәһбәри һаггында демиш олдуғу сөзләр бирбаша јалтагландығы шәхсләрә дәјәҹәкди. Бах, елә мүһүм ситуасија да бурдадыр. Демәли Алгыш дејир ки, Рамиз Меһдијевдән ҹәмијјәтимиз, дөвләтимиз һәмишә пислик, хәјанәт ҝөрүб. 37-ҹи ил репрессијалары неҹә һәјата кечирилиб? О заман инсанлар “ким ҝүнаһкардыр” принсипи илә ҹәзаландырылмырды. Әсас принсип о иди ки, кимләрдән комминист режиминә, системә, јерли болшевик лидерләринә тәһлүкә ҝәлә биләр? Бу принсипә туш ҝәлән бүтүн вә һәр ҹүр потенсиал саһибләри мәһв едилирди, арадан ҝөтүрүлүрдү. Рамиз Меһдијев исә 37-ҹи ил репрессијасыны башга формада тәтбиг едиб, о, дөвләт, систем тәәссүбкешлијини кәнара гојуб, онун өзүнә гаршы кимләрдән тәһлүкә јарана биләр онлары өзүнүн дүшмәни һесаб едиб. Онун гара нијјәтләринә һансы мәнбәләрдән ишыг дүшүб, о јерләри гападыб. Нәтиҹәдә Азәрбајҹанын мәнәви, әхлагы, идеоложи мүһити ермәни ишғалындан азад едилмиш әразиләримиздәки харабалыгларын ҝүнүнә дүшүб. Буна ҝөрә дә о, мүсбәт иш ҝөрмәк истәсә белә, алынмајаҹаг. Чүнки һаким иҹтимаи рәј бу гәнаәтдәдир ки, Меһдијев анҹаг писликләр етмәјин маһир билиҹисидир.
Демәли, адам 8 ил Һејдәр Әлијевин вахтында олмагла үмуми олараг 24 илдир ПА рәһбәри вәзифәсиндә чалышыб. Нә гәдәр ки, вәзифәсиндән вурулмамышды, онун әлејһинә инди данышан Алгыш мүәллим ағзына су алыб сусмушду. Дејәк ки, горхурду, ахы, өзү етираф едир ки, кимләр Меһдијевин гаранлыг һәјатына ишыг салыбса онлары Меһдијев ишыг үзүнә һәсрәт гојуб. Буну анладыг, бәс јахшы нә үчүн Алгыш мүәллим 95-ҹи илдән Меһдијеви халга мүсәлләт едән бир партијада һәлә дә галыб. Нә үчүн Меһдијеви баш едиб халгын башына миндирән бир һакимијјәти тәриф едир?
Бу ҹүр рәзил инсанларын, ҜӨЗӘҜИРӘНЛӘРИН “јахшы” бир адәти дә вар. Өзләринин һәјат гаранты олсун дејә, Рамиз Меһдијев кимиләри писләмәк истәјәндә биринҹи онлары габан бојда едән һакимијјәт башында отуранлара нәји вар ҜӨЗӘҜИРӘНЛИК едирләр, сонра башлајыб дејирләр ки, Меһдијев һәмишә халга гәним кәсилиб. Һәмишә, нә вахт? Јәни, ПА-а рәһбәр ҝәләндән? 25 илдир адам халгын башына минирсә сиз нијә өлүб јерә ҝирмәмисиз индијәдәк? Сизин кими тролларын бир зәррә виҹданы олсајды ЈАП-дан чохдан имтина едәрди. Одур ки, халга нағыл данышмајын, ҝедиб о тәрәфдә ојнајын.
