Шрифт өлчүсү:
А+
А
А-
07 Мај 2021

Аллаһын мүбарәк ајында Совет репрессијасы

Әзиз руһанимиз Һаҹы Илһам Әлијевин һәбсинә сусмајаг!

Чох тәәссүфләр олсун ки, мүбарәк бир ајда – Рамазан ајында – өлкәмизин дәјәрли руһаниләриндән, ағзы оруҹлу инсанларындан, Рамазан өвладларындан бири дә һәбс едилди. Бу инсанларда доғрудан да Аллаһ горхусу дејилән бир шеј галмајыб. Ислам партијасынын сәдрини һәбс етмәләри азмыш кими, мүбарәк бир ајда бир дә дуруб сәдр әвәзи олан Һаҹы Илһам Әлијеви һәбс едибләр.

Бунларын ҝөрүнүр јенә Ислам дини, мүсәлман халг әлејһинә сионистҹәсинә планлары вар, шејтани фикирләри мејдана чыхыб ки, мүгәддимә кими һаггы изһар едән руһаниләри һәбс едирләр. Тәбии ки, мәгсәдләри ајдындыр. Затән “параша” бурахыблар ки, һиҹаб, чадра 15 јашына гәдәр гадаған едилсин, мәктәбләрдә јығышдырылсын, ушаглар – валидејнләри онлары дини ајинләри иҹра етмәјә “мәҹбур едәндә” ҝәлиб дөвләтә ата-аналарындан “шикајәт еләсинләр.” Билирләр ки, өлкәдә диндарлар, инанҹ әһли етираз едәҹәк, етираз едәнләрин өнүндә дә руһаниләр олдуғу үчүн башлајырлар руһаниләри бир-бир арадан ҝөтүрмәјә.

Ҝөрүнүр, бунлара Гарабағ мүһарибәсиндә “Ја Һүсејн” шүарларыјла Гарабағы алан мөмин, иманлы, һүсејнчи асланлар дәрс верә билмәјиб. Ҝөрүнүр, һәмин һүсејнчиләр бу алчагларын өзләрини Азәрбајҹан торпагларындан говмалы вә Азәрбајҹаны бу ҹүр дахили ермәниләрдән, ермәнидән бетәр инсанлардан силиб тәмизләмәлидир. Әкс һалда даһа чох руһаниләри һәбс етмәјә бу алчаглар ҹүрәт едәҹәкләр.

Бәзи инсанлар да бу алчаглара инанырды, дүшүнүрдү ки, артыг ислаһатлара ҝедиләҹәк, һәгиги ислаһатлар апарылаҹаг. Чүнки илк бахышдан гоҹа мәмурлар ҹаванларла әвәзләнди, ҝүја зоопаркда, сиркдә тәјинатла отуран депутатлар бурахылды вә башга ишләр ҝөрүлдү... Бүтүн бунларла да халгын ҝөзүндән пәрдә асмағы баҹардылар.
Ҝөрәсән, ГМИ рәһбәрлији, өлкә рәһбәрлији һансы үзлә чыхыб халгы мүгәддәс Рамазан бајрамы мүнасибәтилә тәбрик едәҹәкләр. Аллаһын оруҹ инсаныны, руһанисини һәбс едиб 16 ил иш верибләр.

Бу ҹүмләләри диггәтлә охујун: “Һөкмә әсасән, руһани Һаҹы Илһам Әлијев 16 ил, онунла бирликдә һәбс едилән Меһман Рзајев исә 14 ил мүддәтинә азадлыгдан мәһрум едилиб.” Дејәк ки, Азәрбајҹанда мәһкәмәләр сифаришлидир, әдаләтдән әсәр-әламәт јохдур, һагсызлыг түғјан едир. Дејәк ки, алчаг инсанларын виҹданы јохдур, гәлби дашдыр, бу ҹүмләләри охујанда өлүб јерә ҝирмирләр, бәс јахшы инсанлара нә ҝәлиб? Нә әҹәб инсанлар бу ҹүр ҹүмләләри ешитмәјә артыг адәт едиб? Нә әҹәб һамы отуруб ҝөзләјир ки, онларын да гапыларыны дөјсүнләр, сонра чыхыб етираз етсинләр? Бу халг даһа һансы ҹүмләләри ешитмәк истәјир ки, залымлара, руһани репрессијаларыны һәјата кечирән инсанлара лајигли дәрс версинләр. Бу инсанлар нә вахт дүзәләҹәк?


586 بازدید
در حال ارسال اطلاعات...