Шрифт өлчүсү:
А+
А
А-
27 Нојабр 2023

Иран нијә мүһарибәјә ҝиришмир?

Бөјүкләр нәсиһәт едәркән бујурублар ки, ҝәрәк ҹаһил адамла данышмајасан. Ҹаһил адама нәјисә сүбут етмәк һәм чәтиндир һәм дә мәнасыз. Ҹаһилдән бетәр инсан инадкар инсандыр. Ҹаһили јенә дә дүзәлтмәк мүмкүндүр. Чүнки о билмир дејирсән баша дүшүр вә билир. Амма инадкар адамын иши чәтиндир.

Мәсәлән, сән она дејрисән ки, су паклајыҹыдыр. Су илә нәҹис олмуш палтары јујуб пакламаг олар. Әлбәттә шәриәтдә дејилән гајдалара ујғун олараг. Сонра инадкар адама дејрисән ки, мән палтары пакладым. О исә инанмыр. Ону инандырмаг үчүн ҝедиб су ҝәтирирсән вә онун ҝөзүнүн габағында нәҹис палтары паклајырсан. О исә дејир ки, бу, су дејил. Сонра бојнундан тутуб башыны бир ведрә сујун ичинә салырсан. Јенә дејир ки, бу һәр нәдирсә су дејил. Бундан сонра бу ахмағы бошлајырсан ҝедир.

Бәзи инсанларымыз бу ҹүрдүр. Ҝөрүр ки, һамы сионист режими гынајыр. Сосиал шәбәкәләрдә пантүркләрә дејирләр ки, нијә Әрдоған Һәмасы вәтәни мүдафиә едән тәшкилат кими таныдығы һалда, сионист режими ушаг гатили кими гәләмә вермәсинә бахмајараг јенә дә онларла әлагәләри кәсмир? Нәјә ҝөрә Түркијә, Азәрбајҹан кими өлкәләр сионистләрә нефт јанаҹаг өтүрүр? Вәһһабиләрә дејәндә ки нәјә ҝөрә сионист Исраил режими әлејһинә сизин башчыларыныз данышмырлар? Нә Сәудијјәдә нә Азәрбајҹанда нә Түркијәдә һансыса вәһһаби дин рәһбәрләринин Исраил әлејһинә данышдыгларыны ҝөрмүрүк? Онлар да галырлар нә ҹаваб версинләр дејирләр ки, бәс нијә Иран сионистләрлә вурушмур. Бу адамлар өзләрини ахмаг јеринә гојублар. Ҝүнәшли һавада јерин ҝүнәш тәрәфиндән гыздырылмасы һадисәси нә гәдәр ачыг ајдын аксиомадырса Иранын Һәмаса, Һизбуллаһа дәстәк вермәси ондан даһа ачыг ашкар бир шејдир. Јәни һәгигәтән дә ахмаг оласан ки, Һәмасын Иран тәрәфиндән дәстәкләндијини гәбул етмәјәсән. Ја ҝәрәк ахмаг оласан ја да инадкар. Үчүнҹү бир ад бу инсанлара тапмаг олмур.

Бәли беләләринин мәгсәди одур ки, Иран ҝириб бирбаша сионистләрлә мүһарибә етсин. Әлбәттә Иранын бөјүкләринин дедији кими бу ҹүр бир шејә затән еһтијаҹ јохдур. Чүнки Һәмас өзү сионистләрлә баҹарыр, икинҹи бир дөвләтин бирбаша мүдахилә вә мүһарибә етмәсинә еһтијаҹ јохдур.

Амма бу ахмаг вә инадкар тајфаја демәк лазымдыр ки, Иран бирбаша һәрби мүдахилә етмәсә дә һеч олмаса Һәмасы һәр ҹәһәтдән дәстәкләјир. Фәләстин халгы, Һәмас вә диҝәр мүгавимәт ҹәбһәләри һәр заман Иран Ислам Республикасына миннәтдардыр. Сизин ағаларыныз олан Әрдоғанлар, Али Сәудлар индијә гәдәр нә гәләт едибләр ахы. Сизин үмумијјәтлә Ираны тәнгид етмәјә һеч бир мәнәви һаггыныз јохдур. Сиз әввәлҹә сизә үнванланан суала ҹаваб верин. Нәјә ҝөрә сизин ағаларыныз сионист режимлә олан әлагәләрини кәсмирләр? Нәјә сизләр нә Түркијәдә, нә Азәрбајҹанда, нә Сәудијјә Әрәбистанында күчә јүрүшләри кечириб өз дөвләтләриниздән сионистләрин әлејһинә бир иш ҝөрмәләрини онлардан тәләб етмирсиниз? Ҹаваб исә һамыја ајдындыр. Чүнки бунларын өзләри сионист режимә хидмәт едән нөкәрләрди.


11782 بازدید
در حال ارسال اطلاعات...