Ајәтуллаһ Сејид Һәсән Амили Азәрбајҹан Республикасы әзадарларына хитабән бујуруб: Тасуа вә Ашура ҝүнләри һәр бир шәһәрдә бөјүк издиһамла әзадарлыг кечирин
Әрдәбилин имам ҹүмәси дејиб: Кәрбәла вә Имам Һүсејнин (ә) шүарлары бәшәр ҹәмијјәтинин бирләшмәси үчүн норматив вә бејнәлхалг мигјаслы шүарлардыр.
Гафгаз Мәдәнијјәт Мәркәзинин вердији мәлумата әсасән Ајәтуллаһ Сејид Һәсән Амили мәһәррәм ајынын истигбалы мүнасибәти илә 13-ҹү топлантыда Әрдәбилдә мәсҹиди-әзәмдә чыхыш едәрәк дејиб: Бу ҝүн бизим 1400 иллик мәдәнијјәтимиз дүшмәнин бөјүк идеоложи һүҹумуна мәруз галыб. Дини дәјәрләрә истинадла, Имам Һүсејнә (ә) ешглә дини мәдәнијјәт ирсини вә дәјәрләри мүдафиә етмәк, дүшмән һүҹумларынын гаршысыны алмаг зәруридир.
Ҹәнаб Амили Имам Һүсејн (ә) исарынын ҝәнҹ нәсил үчүн нүмунә олдуғуну вурғулајараг дејиб: “Мүсәлманлар, хүсуси илә ҝәнҹләр бөјүк Ислам мәдәнијјәтинә еһтирам вә Имам Һүсејн (ә) исарындан нүмунә ҝөтүрмәклә ҝүнаһдан узаг олмалыдыр. Имам Һүсејн (ә) мүсәлманлар үчүн лајигли вә үстүн бир нүмунәдир.
Əрдәбилин имам-ҹүмәси дејиб: Имам Һүсејн (ә) Ислам дәјәрләринин мүдафиәси вә ҹәмијјәтин ислаһы үчүн исар јолуну тутду, онун бүтүн тәлашлары сағлам Ислам ҹәмијјәти гурмаг үчүн иди. Ислам дәјәрләринә садиг һакимијјәт үчүн бу ҝүн дә белә бир мүбаризә ҝүндәмдәдир, биз инди дә Имам Һүсејнә (ә) еһтирамла алчаг вә һијләҝәр дүшүнҹәләрлә мүбаризә апармалыјыг.
Ҹәнаб Амили бујуруб ки, Имам Һүсејнин (ә) шүары бејнәлхалг өлчүләрә малик шүардыр. О дејиб: Бу ҝүн һәгиги мүсәлманларын вәзифәси будур ки, Имам Һүсејн (ә) гијамынын мәгсәдләрини олдуғу кими тәблиғ едиб, јајсынлар. Чүнки Кәрбәла шүарлары бәшәр ҹәмијјәтинин тәрәггиси үчүн верилмиш бејнәлхалг өлчүлү шүарлардандыр. Хибрә мәҹлисиндә Әрдәбил халгыны тәмсил едән ҹәнаб Амили вилајәтә табечилик вә тајфабазлыгдан узаглығы Ислам ҹәмијјәтинин һазыркы зәрурәтләриндән сајараг бујуруб: “Һиҹаб вә иффәтин горунмасы, әзадарлыгда ифратчылыгдан чәкинмәк, әмр бе мәруф вә нәһј әз мүнкәрин дирчәлдилмәси, ваҹиб әмрләрә әмәл етмәк диггәт мәркәзиндә сахланыласы әсас мәсәләләрдәндир.”
Ҹәнаб Амили Имам Һүсејнә (ә) ағламағын фәзиләти һаггында дејиб: Имам Һүсејн (ә) үчүн әзадарлыг вә ағламаг Пејғәмбәрә (с) итаәт вә һөрмәт үнванында јеринә јетирилир. Бу иш инсаны Аллаһын гәзәбиндән узаглашдырыр, бәлаларын гаршысыны алыр. Аллаһ-Таала Кәрбәла һадисәси заманы Имам Һүсејнә (ә) ағламаг вә әзадарлыг үчүн 4 мин мәләк ҝөндәрди.
Вәлијји фәгиһин устандакы нүмајәндәси вәһабилијин Имам Һүсејнә (ә) әзадарлыг вә ҝөз јашыны ширк сајмасы илә бағлы деди: Сүннә әһли вә шиәләр арасында Имам Һүсејнә (ә) ағламаг јүксәк дәјәрә маликдир. Һеч бир сүнни бу ишә гаршы олмајыб вә өзү дә Имам Һүсејн (ә) әзасында ҝөз јашы ахыдыр. Вәһабиләрин мәгсәди сүннә әһли вә шиәләр арасында тәфригә јаратмагдыр. Онларын бу тәлашы сәмәрә вермәјәҹәк.
Ҹәнаб Амили Истанбулда вә диҝәр јерләрдә Ашура ҝүнү әзадарлыг үчүн топлашан шиәләрә тәшәккүр едиб. Әрдәбилин имам-ҹүмәси Азәрбајҹан республикасы әзадарларына хитабән дејиб: Әҝәр Имам Һүсејнә (ә) бөјүк хидмәт ҝөстәрмәк истәјирсинизсә Ашура ҝүнү һәр бир шәһәрдә бөјүк издиһамла әзадарлыг един.
Ҹәнаб Амили јада салыб ки, дүнјанын бөјүк ҝүҹләри Азәрбајҹан һөкумәтинә өлкәдә вәһабилијин ҝүҹләндирилмәси илә бағлы ҝөстәриш вериб вә онлара тәзјиг ҝөстәрилмәмәсини тапшырыб. Ҹәнаб Амили дејиб: Онларын сиз шиәләрин шәхсијјәтини танымасы үчүн Азәрбајҹан Республикасында әзәмәтли әзадарлыг кечирин. Издиһамлы әзадарлыг сәбәб олар ки, ермәниләр вә вәһабиләр Ашуранын мәнасыны анлајар, мүсәлман Азәрбајҹан халгынын Ашура әһли олуб, Ашура әһли галаҹағыны дәрк едәр.
Əрдәбилин имам-ҹүмәси Азәрбајҹан һөкумәтинә хитабән дејиб: Азәрбајҹан дөвләти әзадарлыг топлантыларындан горхмасын. Һүсејн (ә) әзадарларыны бу Республикада вәһабиләр вә ермәниләр гаршысында сыхынтыја салмаг олмаз. Әзадарлар Имам Һүсејнә (ә) севҝиләрини баҹардыглары һәддә әзәмәтлә дүнјаја ҝөстәрмәлидир.
Ҹәнаб Амили Тасуа вә Ашура әзадарлыгларында иштиракы ваҹиб әмри јеринә јетирмәк кими дәјәрләндирәрәк дејиб: Һүсејн (ә) әзадарлары бу мәрасимләрдә дини дәјәрләри горумалы, ваҹиб әмрләри јеринә јетирмәлидир. Әзадарлыг тәкҹә һисләри јүнҝүлләшдирмәк үчүн дејил. Һәм дә бу әзадарлыг мәһәррәм ајынын 10 ҝүнү илә баша чатмыр, бу гијамын мәгсәдләри дирчәлдилмәлидир.
Ҹәнаб Амили мәһәррәм ајы әзадарлығында фәрди вә иҹтимаи һүгугларын ҝөзләнилмәсини зәрури сајараг дејиб: “Әзадарлыгларда, шәбиһ вә нөвһә мәрасимләриндә бидәт әмәлләрә јол верилмәмәлидир. Мәддаһлар, ваизләр, шәбиһ охујанлар диггәтли олмалыдыр ки, гејри-мүнасиб мусиги вә ајинләрдән истифадә олунмасын, Имам Һүсејн (ә) гијамынын мәгсәдләринә дүзҝүн јанашылсын.”
