1990-ҹы илин мүдһиш 20 јанвар фаҹиәси һәр ил үмумхалг һүзн ҝүнү кими гејд едилир. Һәмин дөврдә милли-азадлыг мүбаризәсинә галхан халгымыз Совет Империјасынын амансыз һәрб машынынын тәҹавүзүнә мәруз галды. Лахламагда олан империјаны горујуб сахламаға чалышан Москва Азәрбајҹанда вүсәт алмыш милли-азадлыг һәрәкатыны боғмаға чалышмагла диҝәр халглара да ҝөздағы вермәк нијјәтиндә иди. Совет гошунларынын вәһшилији нәтиҹәсиндә 131 нәфәр шәһид олмуш, 600-дән артыг инсан исә ағыр дәрәҹәли хәсарәт алмышлар. Ганлы Јанвар һадисәләри Азәрбајҹан халгынын ирадәсини сындыра билмәди. Әксинә, бу вәһшилик Совет Империјасынын дағылмасы просесини даһа да сүрәтләндирди. 20 јанвар Бакы гырғыны исә тарихдә Азәрбајҹан халгынын өз азадлығы уғрунда мүбаризәсинин гәһрәманлыг символуна чеврилди. Биз бу мүгәддәс ҝүндә 20 Јанвар шәһидләринин аилә үзвләринә, јахынларына вә бүтүн халгымыза башсағлығы веририк! 
