Мүгавимәтин дүшмәнләри: Иранын беш пајтахты вар ки, бири Теһрандыр. Һаҹы Гасимин ады Американын информасијаларында.
Nur-az.com-ун абна.ир-а истинадән:
Хузистан вилајәти үзрә Иран Рәһбәрлик Шурасынын нүмајәндәси Ајәтуллаһ Сејид Мәһәммәдәли Мусәви Ҹәзајири ИШИД-лә бағлы тәшкил едилән сүни коалисија барәдә билдириб ки, бунун тәшкилатчысы Америка олдуғундан, еләҹә дә, индијә гәдәр онда бир сәдагәт ҝөрүнмәдијиндән һеч вахт терроризмлә бағлы јүрүдүлән сијасәтә һүсн-зәнн едә билмәрик.
О, Америка илә бәрабәр мүттәфигләринин реҝионда өз мараг вә мәнафеләрини ҝүддүјүнү нәзәрә алараг дејиб ки, онлары һеч дә ИШИД-ин мәһви марагландырмыр вә јалныз мүәјјән мәгсәдләрлә сијаси ојун нүмајиш етдирирләр.
Ҹәнаб Ҹәзајири ону да дејиб ки, ИШИД-ин тәфәккүр тәрзи вәһһабилијин баниси Мәһәммәд ибн Әбдүлвәһһабдан гајнагланыр вә о өзү дә, Ибн Тејмијјәнин тәригәтини бир сыра әлавәләрлә дирилдән шәхсдир.
Әһваз үзрә мөһтәрәм Имам Ҹүмәнин фикринҹә, гәти олараг билмәлијик ки, ИШИД вә ја әл-Нүсрәт кими террорист групларын тәшкили вә инкишафы Сәудијјә Әрәбистанынын әли илә формалашыб.
О, Ирагын ИШИД-лә дөјүшләриндәки мүвәффәгијјәтләрдә Иранын ролуна даир дејиб ки, Ираг халгы илә бәрабәр дөвләт органлары Иранын һадисәләрдә хүсуси мөвгејини чох сәмими гаршылајыр вә буну лајигинҹә гијмәтләндирирләр.
Онун өзүнүн дедијинә ҝөрә, бир сыра зәрури һалларда мүхалиф групларын пејк каналларыны да изләјир вә онларын Иран-Ираг арасында јаранан сәмими рабитәләриндән нараһатчылыг һисси кечирдијинин шаһидидир.
Рәһбәрин Хузистан үзрә нүмајәндәси билдирир ки, Америка илә мүттәфигләри мүхтәлиф ҝөрүш вә семинарларда бу мәсәләни о гәдәр тәшвишлә мүзакирә едирләр ки, санки һансыса бир матәмә топлашыблар вә даим ҝенерал Гасим Сүлејманинин адындан сөһбәт ачылыр.
О, Иранын мәнтәгә үзрә мүсбәт тәсири илә әлагәдар билдириб ки, артыг дүшмәнләрин фикринҹә Иранын беш пајтахты вар ки, бири Теһран, о бириләри исә Бағдад, Дәмәшг, Сәна вә Бејрутдан ибарәтдир.
О, сөзләринин сонунда гејд едиб ки, бүтүн бу һадисәләр Иран вә онун симасында рәшадәтли әсҝәрләринин һеч бир мәнафе ҝүдмәдән, јалныз өз шәри борҹларыны јеринә јетирмәк, Аллаһ ризасы үчүн нә кими фәдакарлыгла мејдана ҝирдикләрини ҝөстәрир.
