Јахуд аҹҝөзлүјүн, һарынлығын, коррупсијанын јандырдығы вәтәндаш
Бу өлкәдә хош хәбәр ешитмәк мүшкүлә чеврилиб. Һәр ҝүн интиһарларын, һагсыз һәбсләрин, өзбашыналығын, әдаләтсизлијин шаһиди олуруг. Өтән ҝүн даһа ағыр бир һадисәјә шаһидлик етдик. Бакынын мәркәзиндә 16 мәртәбәли бина јанды вә 10-ларла инсан өлдү, ағыр бәдән хәсарәти алды. Амма бу ади бир јанғын дејилди. Бу јанғынын олаҹағы илә бағлы хәбәрдарлыг едилмишди, јазылмышды, һакимијјәтдән һесабат истәнилмишди. Бәли, ајлар өнҹә јазмышдыг ки, биналарын үзләнмәсиндә истифадә олунан бу пенопласт материал һәјат үчүн тәһлүкәлидир.
Çүнки, бу материал ади ҝүнәш шүасындан, күчәдәки лампанын партламасындан да алыша биләр. Јәни һакимијјәтин ҝеҹә-ҝүндүз бәһ-бәһлә биналара јапышдырдығы материал потенсиал јанғын мәнбәјидир. Амма һакимијјәт үчүн бунун гәтијјән өнәми јохдур. Әсас одур ки, бу материалы өлкәјә ҝәтирәнләр, јахуд ону бурда истеһсал едәнләр јахшы пул газансынлар, бүдҹәни талан етсинләр вә бизнесләрини ҝенишләндирсинләр. Әсас одур ки, өлкә башчысы шәһәри сејрә чыханда үстү бәзәк биналара тамаша едиб зөвг алсын.
Бәли, өтән ҝүн баш верән јанғынын аҹҝөзлүјүн, һарынлығын, таланчылығын, коррупсијанын од вурдуғу јанғын иди. Ејни заманда сусгунлуғун, ҹәсарәтсизлијин, биҝанәлијин јаратдығы мәнзәрә иди. Биринҹи дәфә белә бир јанғын Бузовнада баш верди. Амма һеч кимин нараһатлығы һисс олунмады. Ыкинҹи пенопласт фәлакәти Хәтаи рајонунда баш верди. Јенә дә инсанлар етираз сәсини уҹалтмады. Ынди исә даһа бөјүк мигјаслы јанғын баш верди вә 16 нәфәрин өлүмү илә нәтиҹәләнди. Биз јаваш-јаваш алышмағымыза тамаша еләдик. Фәлакәтләримизин ҹиддилијини дәрк етмәдик. Бизи јандыранлара гаршы мәрһәмәт ҝөстәрдик. Нәтиҹә исә ҝөз габағындадыр.
Бу гәдәр хәбәрдарлыглара, експерт рәјләринә бахмајараг һакимијјәт вәтәндашы јандырмаг бизнесиндән имтина етмәди. Хатырлајырсыза, Нобел проспектиндәки јанғындан сонра бир нечә мүтәхәссис рәји мејдана чыхды вә билдирилди ки, бу синтетик материаллардан адәтән ÿтикинтидә бош галан, аралыг һиссәләри долдурмаг, һава кечмәмәсиÿүчүн истифадә едилир. Ејни заманда експертләр билдирди ки, гоншу өлкәләрин тәҹрүбәсинә нәзәр салсаг, онларда бу ҹүр тез алышан, јанмаға мејлли мәһсулларын нәинки биналарын үзлүјүнә вурулмасы, һәтта ачыг әразиләрдә истифадәси јолверилмәз сајылыр. Нәтиҹәдә мәлум олду ки, Азәрбајҹан өзүнүн “ҝүлбах” дашлары илә кифајәт гәдәр мәшһурдур вә биналары бу дашларла үзләмәк даһа тәһлүкәсиз, даһа кејфијјәтли ола биләр. Амма бу синтетик үзлүкләр уҹуз баша ҝәлдијиндән, ири ранглы мәмурлара бизнес имканы јаратдығындан, һөкумәтимиз “узагҝөрән” сечим едиб.
Бу илк јанғын олсајды, тәсадүфи һадисә кими гијмәтләндирмәк оларды. Амма бу фәлакәт сачан синтетик үзлүкләрлә бағлы һакимијјәтә 3 дәфә хәбәрдарлыг едилиб. Анҹаг ҝөјҝөз Косалар, Симнар ханлар өз “тилсим”ләриндән әл чәкмәдиләр. Ынсанлары ҝөзләјән фәлакәтин гаршысыны алмаға ҹәһд етмәдиләр. Авропа Ојунларынын мәшәлини ҝөз бәбәји кими горујанлар, Авропалы гонагларын хошуна ҝәлмәк үчүн ҹанфәшанлыг едәнләр өлкә вәтәндашыны ода атмагдан чәкинмәдиләр. Неҹә олур ки, Ҝүл бајрамына ҝөрә ән баһа ҝүлләри сифариш едәнләр, ермәнипәрәст өлкәләрә 100 милјонларла вәсаити бәхшиш верәнләр, садә вәтәндашын јашадығы бинанын тәмир етмәк нөвбәси ҝәләндә пула гәнаәт һаггында дүшүнүрләр?
Сонунҹу дәфә Азәрбајҹанда бу гәдәр адамын өлүмүнә, хәсарәт алмасына сәбәб олаҹаг һансы һадисә баш вериб? АДНА-да баш верән террор һадисәсиндә 13 нәфәр инсан һәјатыны итирмишди. Өтән ҝүн Бакыда јанан бинада исә 16 нәфәр һәјатыны итирди, 60-дан артыг инсан хәсарәт алды. Бәли, мәмур һимајәси илә јашадығымыз евләрә дырмашан синтетик үзлүкләр террорчудан даһа артыг зәрәр верди. Бу јанан бинанын сирри дә бундадыр. Бу јанғыны мәмур террору да адландырмаг олар.
Јәгин чалышаҹаглар ки, бу јанғынын мәсулијјәтини һансыса 10-ҹу дәрәҹәли адамын чијнинә јүкләсинләр. Амма бу дәфә алынмајаҹаг. Чүнки, биз дәфәләрлә “террорчу”ну, “террор” баш верәҹәк мәканлары ҝөстәрмишдик.
Санки һакимијјәт пенопласты вәтәндаш үчүн киллер тутуб. Бу “киллер” 10 минләрлә инсаны һәдәф сечиб. Нә гәдәр ки, зәрәрсизләшдирилмәјиб, өлдүрмәјә давам едәҹәк. Бир сөзлә, өлүм 100-ләрлә бинаны мүһасирәјә алыб. Мүһасирәни һамылыгла јармаг лазымдыр./азадлыг/
