Јахуд биз неҹә инһисарчыја чеврилдик?
Тәбии ки, мүхалифәтчилик дөврү чох узанды. Ынсанлар бу илләр әрзиндә хејли мәһрумијјтләр јашады. Һамы јолун сонуну ҝөрмәк үмиди илә аддымлады. Бәли, мүбаризә ҝәмисиндә авар чәкәнләр узун илләр саһил гумуну ҝөрә билмәди. Она ҝөрә дә бәзиләри “мүхалифәтчилијин перспективи јохдур”, “јени лидер лазымды”, “һакимијјәти ичиндән дағыдаҹағыг”, “радикал мүбаризә еффект вермир” кими бәһанләрлә мүбаризә јолундан сапдылар. Бу илләр әрзиндә хәјанәтин, сатгынлығын рәнҝбәрәнәҝ нөвләрини ҝөрдүк. Һәлә дә мүбаризә јолундан чыхыб, шәрин сәкиси илә ҝедәнләр хәјанәтин јени чаларларыны јаратмагдадылар.
Амма мәсәләнин әсас маһијјәти тамам башгадыр. Етираф едәк ки, сәнҝәрдә олан һеч бир әсҝәр өлмәк истәмир. Амма бу о демәк дејил ки, һәр әсҝәр өлмәмәк үчүн сәнҝәрдән гачыр. Јәни әдаләтсизликлә мүбаризә јалныз нәтиҹә әлдә етмәк үчүн дејил, һәм дә бир дәфә верилмиш өмрү шәрәфлә јашамаг борҹудур. Биз манјак олдуғумуза, әзабдан зөвг алдығымыза ҝөрә дејил, виҹданымызы горумаг үчүн мүбаризәдәјик. Бу ҝүн симасыны сахлајан, режимин әлалтысына чеврилмәјән иҹтимаи-сијаси хадимләр бармагла сајылаҹаг гәдәрди. Етираф едәк ки, бу ҝүн сијаси бирлик кими јеҝанә олараг Милли Шура, сијаси партија кими АХҸП галыб. Бәзән АХҸП-ни мүхалифәтчилији монополијаја алмагда гынајырлар. Амма бу бизим ҝүнаһымыз дејил. Биз мүбаризәнин мәҹбури инһисарчыларыјыг. Чүнки, “дәләдуз таҹир”ләр базардан гачыб, диҝәрләри исә газанҹсыз “алвер”ә сәрмајә јатырмаг истәмир. Јәни ҹәмијјәтә һәгигәт сатмаг бизим үзәримиздә галыб. Һәм дә бу “алвер”ин газанҹы һәбслә, тәзјиглә, пулсузлугла, ағыр еһтијаҹларла өлчүлүр. Биз истәјәрдик ки, “мүбаризә базары”нда сатыҹылар чох олсун, вәтәндаша һәгиги информасија, азадлыг немәти пајлајанлар артсын. Тәәссүф ки, бунун әкси илә гаршылашдыг. Адамлар өзләрини дүнја малына сатмаға гәрар вердиләр. Хејли адам нәфсинә дејил, виҹданына, әгидәсинә галиб ҝәлди. Сәнҝәри гојуб гачанлар, дүшмәнә “ағ бајраг” ҝөстәрәнләр заман-заман ијрәнҹ мәнзәрә јаратдылар. Бу ҝүн мүбаризә сәнҝәриндә оланлар Шаму-гәрибандан сонра мәсҹиддә галанларды. Јәни бу адамлар онлары ҝөзләјән Кәрбәладан аҝаһдылар. Гаршыда даһа ағыр сынаглар да ола биләр.
Ҝөрүнүр, бүтүн заманларын сечилмишләри олур вә бу сечилмишләр тәслим олараг јашамағы баҹармырлар. Ләјагәтли инсанлар, һәгиги мүбаризләр падшаһын әнамындан, ләл-ҹәваһирдән, јүксәк вәзифәдән дејил, һагг сәнҝәринин кешикчиси олмагдан зөвг алырлар.
Əслиндә биз тәкләнмәмишик, садәҹә олараг тәк галмышыг. Ылк бахышдан бу анлајышлары ејниләшдирмәк олар. Биз инзибати зәһмин тәсириндән күнҹә сыхылмамышыг, ҝөзүмүздә горху, әлләримиздә титрәјиш јохду, тәкләнмиш адам кими мәјус дејилик. Әксинә, дөјүш мејданыны тәрк етмәјән тәк гүввә олараг гылынҹ чалырыг. Биз о нүмунәни ҝөстәрдик ки, тәк галыб тәкләнмәмәк олар. Хәдиҹә Ысмајылы, Сејмур Һәзини, Тофиг Јагублуну, Асиф Јусифлини, Ынтигам Әлијеви вә диҝәрләрини “тәкләнмиш” адландырмаг олармы? Әлбәттә, јох. Бу адамлар 1+ 10000=1 нәтиҹәсинә наил олублар. Јәни һәр бири ајры-ајрылыгда режим үзәриндә мәнәви гәләбә газаныблар вә бүтүн дүнја онлары гәһрәман һесаб едир. Әксинә, тәкләнмишләр режимә сатыланлар, јолуна хәјанәт едәнләр, шәрин машасына чевриләнләрди. Онлары һәр јердә бармагла ҝөстәрирләр, ләнәтләјирләр. Беләләрини тәкҹә режим дејил, ҹәмијјәт дә тәкләјиб.
Етираф едәк ки, сәнҝәрдә галмаг бөјүк гүрурду. Дәјәрләрин инһисарчысы олмаг ән бөјүк газанҹдыр. Биз ону да билирк ки, бу сәнҝәри тәрк еләмәк даһа бөјүк әразиләрин ишғалы илә нәтиҹәләнә биләр. Мәнәви фәрарилик даһа ағыр зәрбә вурур.
Бир сөзлә, “тәрәзи”дә вурмајан бүтүн “таҹир”ләр үчүн гапымыз ачыгды. Шәрәфли өмрә, ишыглы ҝәләҹәјә вә мүгәддәс мүбаризәјә сәрмајә гојмаг лазымды. Бизим ҹәмијјәтдә “ел үчүн ағлајан ҝөз кор олар” дејими чох мәшһурду. Амма ҝөзүкөлҝәли јашамагданса, кор ҝөзлә ҝәзмәк даһа шәрәфлидир.
