Фикрә далмышам. Дүшүнүрәм бу зүлмләр барәдә. Нә һаггы демәк олур вә нә дә һаггы дејәни мүдафиә етмәк.
Бу фикирләр мәни узаглара, лап узаглара апарыб...
Бирдән гаршымда 30-35 јашларында бир ҹаван оғлан ҝөрүрәм. Вә сорушурам, сән кимсән?
Деди: “Мәни танымадын?”
Дедим: “Сиз мәнә һеч дә јад дејилсиз, өзүнүздән мәнә бир нишанә дејин.”
Деди: “Мәҝәр бу гәдәр нишанә сәнә кифајәт етмәди?”
Дедим: “ Һансы нишанә?”
Деди: “Мән, зиндандан зиндана һәбс олунанам.
Мән, зиндандан, зиндана мәктуб јазанам.
Мән, Зиндандан Зиндана китаб јазанам.
Мән, һаггы дедијимә ҝөрә мәһкум олунанам.
Мән, һаггын батырылмаг истәдикләри сәсәм.
Мән, зүлмә ҝөз ачдырмајанам.
Мән, зүлмү елә бешијиндә икән боғмаг истәјәнәм.
Мән, зинданлары ҝәзәрәк илаһи ганунлары иҹра едән кәсәм.
Мән, һиҹабын мәзлумијјәтинә сон вермәк истәјән кәсәм.
Мән, һеч вахт зүлмә баш әјмәјәнәм.
Мән, илаһи әдаләтин өлкәмиздә бәргәрар олмасыны истәјән шәхсәм.
Мән..
- Нијә сусдуз? Хаһиш едирәм давам един.
Деди: “Мән, Мән намаз үстә вуруланам.”
“Мән, ганы аха-аха намаз гыланам.”
“Мән, шәһадәтә сусајанам.”
“Мән, шәһидлик мәктәбини бизә мирас гојанларын давамчысыјам.”
“Мән, зинданларда наһаг јерә мәһкум олунанлара һәр ҝүн үрәји сызылдајанам.
“Мән, Һаҹы Абҝүлүн “гардашым” дејә хитаб етдији шәхсәм.”
Мән бу ҝәнҹин дедикләриндә, суда үзә билмәјән вә беләликлә дәрин сулара гәрг олан шәхс кими, гәрг олдум. Амма о давам едирди вә бирдән деди: “Бәс сән? Сән кимсән?
Дедим: “Мән Мәзлумам”
“Мән, һәгигәти мүдафиә етдији үчүн “сәни дә һәбс едәрик” дејилән кәсәм.”
“Мән, “етдијин етиразлары интернетдән јығышдыр” дејилән кәсәм.”
“Мән, бағланмыш мәсҹидләрин ачылмасыны тәләб етдијим үчүн, мәзәммәт олунан кәсәм.”
- Сән, Насир Абдуллаһсан?
- Хејр.
- Сән, Сејјид Елмансан?
- Хејр.
- Сән, Елчин Гасымлысан?
- Хејр.
- Сән Сакит Мирзәсән?
- Хејр.
- Сән, Саһил Рзалысан?
- Хејр.
- Сән, Елхан Исҝәндәровсан?
- Хејр.
- Сән, Аббас Һүсејнсән?
- Хејр.
- Сән, Турал Аллаһвердијевсән?
- Хејр.
- Сән, Ағаәли Јәһјајевсән?
- Хејр.
- Ахы сән кимсән?
- Дедим ахы, мән Мәзлумам...
Јахшы еј Мәзлум! Мәни таныдынмы? Мән кимәм?
- Сән, Һаҹы Абҝүлсән?
- Хејр.
- Сән, Һаҹы Фәрамизсән?
- Хејр.
- Сән, Ниҹат Әлијевсән?
- Хејр.
- Сән Мөвсум Сәмәдовсан?
- Хејр.
- Сән, Руһуллаһ Ахундзадәсән?
- Хејр.
- Сән, Араз Гулијевсән?
- Хејр.
- Сән Һаҹы Талесән?
- .......................
- Сән Һаҹы Талесән?
- ... “Мән дә “Мәзлумам.”
- Бәли. Биз Мәзлумуг.
Мүәллиф: “Мәзлум”
