Биз јашамагдан чох, өлүмә көнүл вермиш адамларыг
Түркијә мәтбуаты јазыб ки, ЫШЫД-ин нөвбәти һәдәфи Азәрбајҹан ола биләр. Ыки ҝүндүр Азәрбајҹан мәтбуаты, сосиал шәбәкәләр дә бу мөвзуну мүзакирә едир. Мәгаләдә јазылыр ки, ЫШЫД интиһарчы террорчулары һәрәкәтә ҝәтириб вә бу террорчулар Азәрбајҹан, Ҝүрҹүстан, Кипр үзәриндән кечәрәк Авропаја ҝөндәрилир.
Террор вә террорчу һарда оламсындан, кимә хидмәт етмәсиндән, һансы мәгсәдлә фәалијјәт ҝөстәрмәсиндән асылы олмајараг ләнәтләнмәлидир вә бу адамлар бәшәријјәтин бәтниндә гара јарадыр. Бу дүшүнҹәнин дашыјыҹылары инсан ҹәмијјәтиндән тәҹрид едилмәли, бүтүн дүнја бу епидемијадан бирликдә хилас олмалыдыр.
ЫШЫД-ин Азәрбајҹана һүҹумуна ҝәлинҹә, буна гәтијјән еһтијаҹ јохдур. ЫШЫД-ә хәбәр вермәк лазымдыр ки, Азәрбајҹан вәтәндашыны өлүмлә горхутмаг, ваһимәјә салмаг мүмкүн дејил. ЫШЫД Азәрбајҹаны һәгигәтән дә һәдәф сечибсә, чох ҝеҹикиб вә бурда чәтин мәнзәрә илә гаршылашаҹаг. Бизим өз “милли ЫШЫД”ләримиз вар.
Бу өлкәдә узун илләрди коррупсија өлдүрүр, монополија өлдүрүр, сәһијјә өлдүрүр, әдаләтсиз мәһкәмә гәрарлары өлдүрүр. Бу өлкәдә алдығы малы ҝөмрүкдән кечирә билмәдијинә ҝөрә инфаркт оланлар, мүлкијјәти сөкүлдүјүнә ҝөрә әсәб хәстәлији тутанлар, објекти әлиндән алындығына ҝөрә боғазында шиш әмәлә ҝәләнләр вар. Бу өлкәдә атәшкәс дөврүндә 2000-дән артыг әсҝәр һәлак олуб. Сон 6 ајда тәкҹә Бакыда 480 нәфәр инфаркт, 1500 нәфәр инсулт олуб. Сон бир илдә тәкҹә зәһәр васитәсилә интиһара ҹәһд етмиш 1030 нәфәри хәстәханаја чатдырылыб.
Бәли, бу өлкәдә вәтәндаш өзүнә әл галдырмаға адәт едиб. Артыг Азәрбајҹан “интиһарлар өлкәси”нә чеврилиб. Өзүнә гәсд едән инсаны, ЫШЫД-ин гәсдијлә горхутмаг олармы? Бу өлкәдә узун илләрди мәнәви террор һөкм сүрүр вә бунун нәтиҹәсиндә физики өлүмләр мејдана чыхыб.
Өлкәнин тәһсилинин мәгсәдли шәкилдә мәһв едилмәси террор дејилми? Сәһијјәнин ағыр хәстәлијә дүчар едилмәси террор дејилми? Һүгугун комаја салынмасы террор дејилми?
2.5 милјон вәтәндаш ағыр фаизләрлә кредит борҹу өдәјир. Ыки девалвасијадан сонра вәтәндаша һеч бир ҝүзәшт олунмады. Бу гәдәр биҝанәлик, гәддарлыг, мәсулијјәтсизлик террор дејилми?
Бу өлкәдә интиһар едәнләрин әксәријјәти банка борҹу оланларды. Амма сәбәб мәлум олса да, бу сәбәби арадан галдырмаг үчүн һеч бир аддым атылмыр. Тәсәввүр един ки, 3 саатдан сонра һансыса мәканда террор төрәдиләҹәји мәлум олур вә һүгуг мүһафизә органлары һеч бир фәалијјәтә кечмир. Ынди биз дә бу вәзијјәтдәјик. Ынтиһарын һарадан гајнагландығы билинир вә һөкумәт буну өнләмәк үчүн һәјәҹан тәбили чалмыр. Һәр ҝүн 2-3 нәфәрин интиһар етмәсинә раһатлыгла тамаша едилир.
Өлүмлә бу гәдәр “гол-бојун” олмуш вәтәндаш үчүн ЫШЫД ојунҹаға бәнзәјир. Бу өлкәдә илләрди вәтәндашын арзулары, талеји, ҝәләҹәји партладылыр. Бу өлкәнин вәтәндашы үрәјиндә бомба бојда дәрд ҝәздирир.
Бир сөзлә, биз ЫШЫД боллуғунда јашајан адамларыг. Бизә интиһарчы террорчу лазым дејил. Бәлкә дә бу сәтирләр јазылан вахт кимсә өзүнү кәндирдән асараг, көрпүдән атараг, зәһәр ичәрәк өлдүрүб. Биз, јашамагдан даһа чох өлүмә көнүл вермиш адамларыг. Бу ҝүн һансыса банк вәтәндаш үчүн ЫШЫД-дән даһа горхулудур. Хәстәнин әмәлијјаты үчүн тәләб олунан мәбләғ, ЫШЫД-ин ҝүлләсиндән даһа ағыр јаралајыр.
