Шрифт өлчүсү:
А+
А
А-
01 Ијун 2021

БАҸАНАГЛАР

Бәзән меһрибандылар, бәзән далашгандылар,
Бирдән гузу баласы, һәрдән алышгандылар,
Бир-бирилә ҝирәрләр бәһсә јарышгандылар,
Çүнки ишҝүзардылар, хејли чалышгандылар,
Ҝөз дәјмәсин аманды, јаманды баҹанаглар!
Гынамајын, бәлкә дә ҹаванды баҹанаглар!

Данышырлар, ҝүлүрләр кефләри саз оланда,
Üрәкләри ачылыр тез-тез мәктуб аланда,
Амма ахтарылмајыб бәзән тәкҹә галанда,
“Күсүбләр”, дејир һамы, ганан да ганмајан да,
Бахан елә билир ки, думанды баҹанаглар,
Бир-бириндән мәһәббәт уманды баҹанаглар!

Једди баҹанаг һагда мәсәл вардыр ҝүлмәли,
Ҝуја сөз тапмајыблар сөһбәт үчүн етмәли,
Јәгин бу зарафатдыр һекајәдир мәзәли,
Амма чохдур ичиндә хасијјәтҹә ҝөзәли,
Писи дә вар, јахшысы каланды баҹанаглар,
Гоһумлугда гајғыја галанды баҹанаглар!

Бир дәрди-сәр оланда чағырырсан көмәјә,
Ешидәр, ја ешитмәз гачар јардым етмәјә,
Ҝаһ сәнә гардаш кими ашиг олур севмәјә,
Арада дост олурлар хејли дејиб ҝүлмәјә,
Бәзән хәтрә дәјмәјә ҝуманды баҹанаглар,
Сакит бир океанда туфанды баҹанаглар!

Аллаһ горусун дејәк, әзиз баҹанаглары!
Тәрифә лајиг олан чохду ганаҹаглары,
Биз көч етдик, онлара тапшырдыг оҹаглары,
Һәмишә, һәр бир заман ачыгды гуҹаглары,
Сөз долу, сөһбәт долу, дастанды баҹанаглар,
Рөвшән дејәр иҝиддир, асландыр баҹанаглар!


421 дәфә бахылыб
در حال ارسال اطلاعات...