Шрифт өлчүсү:
А+
А
А-
02 Феврал 2021

Сүлһмәрамлыларын јардымы илә һәрбчиләримиз сәрбәст бурахылды

Ермәнистан Милли Тәһлүкәсизлик Хидмәти тәрәфиндән сахланылан ики азәрбајҹанлы һәрбчи Русија сүлһмәрамлыларынын көмәји илә сәрбәст бурахылыб.

Бу барәдә Русија Мүдафиә Назирлији мәлумат јајыб.

"Русија сүлһмәрамлы континҝентинин команданлығынын васитәчилији илә 30 јанвар 2021-ҹи ил тарихиндә Ермәнистан Республикасы Милли Тәһлүкәсизлик Хидмәти тәрәфиндән Ермәнистанын Сүник бөлҝәсинин Теһ мәнтәгәсиндә Азәрбајҹан Республикасы Силаһлы Гүввәләринин сахланылан ики һәрбчиси сәрбәст бурахылыб", - мәлуматда дејилир.

"Русија сүлһмәрамлы континҝентинин мәсулијјәт зонасында баш верә биләҹәк һадисәләрин гаршысыны алмаг үчүн сәјләри әлагәләндирмәк үчүн Азәрбајҹан вә Ермәнистан силаһлы гүввәләринин баш гәрарҝаһлары илә давамлы гаршылыглы әлагә сахланылыр", - Мүдафиә Назирлијиндән гејд едилир.

Русија МН-дән дејилир ки, јанварын 30-да Азәрбајҹан тәрәфинин хаһиши илә Русија сүлһмәрамлы континҝентинин хүсуси тәјинатлы дәстәси 16 хәстә Азәрбајҹан әсҝәрини Чинарлы (Вәнҝ) кәндиндән Чардаглы кәндинә (Мағавуза) тәхлијә едиб. Орада онлар азәрбајҹанлы һәкимләрә тәһвил верилиб.

Виртуалаз.орҝ-ун мәлуматына ҝөрә, Азәрбајҹан һәрбчиләри ҝөстәрилән әразидә иткин дүшүбләр вә бу да онларын Ермәнистан Милли Тәһлүкәсизлик Хидмәти тәрәфиндән сахланылмасына сәбәб олуб.
1246 дәфә бахылыб
Лоадинҝ ...
Nur-Az Xeber
Go to TOP