Шрифт өлчүсү:
А+
А
А-
10 Феврал 2021

Инсанларын ән писи кимдир?

Мәрһум Ајәтуллаһ Сејид Әһмәд Зәнҹани (Ајәтуллаһ Шүбејри Зәнҹанинин атасы) дәјәрли “Әрбәинијјат” китабында јазыр:
Һәзрәт Рәсули-әкрәм (с) бујурду:

عَنِ الصَّادِقِ عَنْ أَبِيهِ عَنْ آبَائِهِ علیهم السلام عَنِ النَّبِيِّ صلی الله علیه و آله قَالَ: شَرُّ النَّاسِ‏ الْمُثَلِّثُ‏ قِيلَ يَا رَسُولَ اللَّهِ وَ مَا الْمُثَلِّثُ قَالَ الَّذِي يَسْعَى بِأَخِيكَ إِلَى السُّلْطَانِ فَيُهْلِكُ نَفْسَهُ وَ يُهْلِكُ أَخَاهُ وَ يُهْلِكُ السُّلْطَانَ

“Инсанларын ән писи мусәллис (үч ҹәһәтли) оландыр. Дедиләр: Еј Аллаһын рәсулу, мусәллис нәдир? Һәзрәт бујурду: (Дини) Гардашындан һөкмрана хәбәрчилик едән. Белә шәхс һәм өзүнү һәлак едир, һәм гардашыны, һәм дә һөкмраны.” (“Биһарул-әнвар”, ҹ. 72, сәһ. 266, һ. 16)

Пејғәмбәрин (с) ону мусәллис (үч ҹәһәтли) адландырмасынын сәбәби будур ки, о, бир сөзлә үч нәфәри мәһвә доғру апарыр:

- Өзүнү Гијамәт ҝүнү мин ҹүр бәлаја дүчар едир, рәвајәтдә дә буна ишарә олунмушдур.
- Гардашыны һөкмранын ишҝәнҹә вә әзаб-әзијјәтинә дүчар едир.
- Онун сөзүнә инанан вә онун хәбәрчилији нәтиҹәсиндә бир мүсәлманы ҹәзаландыран һөкмраны Аллаһын гәзәб одуна дүчар едир.

Бир сөзлә үч нәфәри бәлаја дүчар етмәсиндән әлавә, өзүнү диҝәр ҹәһәтләрдән үч бәлаја мүбтәла едир. Чүнки хәбәрчилик етмәсиндә әҝәр дүз сөзү демиш олса, гејбәт вә хәбәрчилик ҝүнаһларына дүчар олаҹаг; әҝәр јалан демиш олса, онун ҝүнаһы да әлавә олаҹаг. Демәли, өзү үчүн үч ҹәһәтдән ҹәһәннәм оду аловландырыб.
Һәзрәт Әли (ә) бујурур: “Сизләрдән ән писи хәбәрчилик едән, достлар арасында ајрылыг салан, ејби олмајанларда ејб ахтарандыр.”

Ајәтуллаһ Сејид Әһмәд Зәнҹани, “Әрбәинијјат” китабы, сәһ. 281.
1622 дәфә бахылыб
Лоадинҝ ...
Nur-Az Xeber
Go to TOP