Шрифт өлчүсү:
А+
А
А-
09 Апрел 2021

Бағдад-Москва һәрби әмәкдашлығы: Һәшд-Шәби рәһбәри Москвада

Ираг Һәшд-Шәби Тәшкилатынын рәһбәри Москваја сәфәр едиб вә Бағдад-Москва һәрби әмәкдашлығы барәдә мүзакирәләр апарыб.
İраг Һәшд-Шәби Тәшкилатынын рәһбәри Фалиһ Фәјјаз дүнән (чәршәнбә) Москваја сәфәр едиб вә бу ҝүн Русија мүдафиә назиринин мүавини Александр Фоминлә ҝөрүшәрәк Бағдад вә Москва арасында һәрби әмәкдашлыг барәдә данышыглар апарыб.
Ирагын “Дәҹлә” телеканалы билдириб ки, Һәшд-Шәби рәһбәрлијинин офисиндән јајылан бәјаната ҝөрә, Фәјјаз вә Фомин арасында баш тутан ҝөрүшдә Јахын Шәрг вә Бағдад-Москва арасында һәрби-техноложи әмәкдашлыг, онларын ҝенишләндирилмәсинә аид мәсәләләр мүзакирә олунуб.
Тәрәфләр Ираг-Русија һәрби әмәкдашлығыны мүдафиә, тәһлүкәсизлик вә терроризмлә мүбаризә саһәләриндә ҝенишләндирмәјә һазыр олдугларыны билдирибләр.
Һәшд-Шәби рәһбәри Москваја сәфәр чәрчивәсиндә дүнән Русија Милли Тәһлүкәсизлик Шурасынын сәдри Николај Патрушев вә Русија президентинин Јахын Шәрг вә Африка мәсәләләри үзрә хүсуси нүмајәндәси Михаил Будаговла ҝөрүшүб.
Ҝөрүшләрдә Ираг вә Русијанын ортаг мараглары, икитәрәфли мүнасибәт, әмәкдашлыгларын ҝенишләндирилмәси, тәһлүкәсизлик вә террорчулуға мүбаризәдә әлагәләндириҹилик барәдә мүзакирәләр апарылыб, һәр ики тәрәф әмәкдашлығын ҝенишләндирилмәсинә һазыр олдуғуну билдириб.
Русија тәрәфи Ирагда вәһдәти вә бу өлкәнин һакимијјәтини дәстәкләдијини бир даһа вурғулајыб.
707 дәфә бахылыб
Лоадинҝ ...
Nur-Az Xeber
12.06.21, 11:33
Һәјат иксири
26.05.21, 08:46
Сәфәр азугәси
Go to TOP