Шрифт өлчүсү:
А+
А
А-
12 Ијул 2021

Сионист тәһлилчи: ҺӘМАС-ы нәзарәтә алмаг, јахуд онунла сазишә ҝетмәк гејри-мүмкүндүр

Исраилли шәргшүнас сионист режиминин ҺӘМАС-ы нәзарәт алтына ала билмәјәҹәји гәнаәтинә ҝәлдијини етираф едиб.
Ксенија Осутлова билдириб ки, ҺӘМАС сон Гәззә мүһарибәсиндән галиб тәрәф кими чыхды.
О, нәшр етдији тәһлилиндә вурғулајыб ки, мүһарибәдән сонра бәзи ҺӘМАС үзвләри әрәб сосиал шәбәкләринин улдузларына чеврилдиләр. Лакин инди онлар Гәззәни јенидән гурмалыдырлар. Бејнәлхалг тәрәфләр Гәззәнин јенидән гурулмасы үчүн 500 милјон доллары ҺӘМАС-а вермәјәҹәкләр. Анҹаг бунунла белә, артыг сионист режиминин сијасәтләринин тәсири јохдур.
К. Осутлованын сөзләринә ҝөрә, 14 ил бундан әввәл Исраил белә инанырды ки, “тәфригә сал, һөкумәт ет” сијасәти Иорданија Вадиси вә Гәззә, Фәтһ вә ҺӘМАС һәрәкатлары арасында өз тәсирини ҝөстәрәҹәк, анҹаг индијә кими бу сијасәт һеч бир сәмәрә вермәмишдир.
Сионист шәргшүнас јазыб: “Исраил сон Гәззә мүһарибәсиндә бир даһа бу нәтиҹәјә ҝәлди ки, ҺӘМАС-ы нәзарәт алтына алмаг, јахуд онунла сазишә ҝетмәк мүмкүн дејил. Чүнки ҺӘМАС, һәдәфи мәлум олан идеоложи бир һәрәкатдыр.”
ҺӘМАС-ын бејнәлхалг ганунилик әлдә етмәси ардынҹа олдуғуну билдирән тәһлилчи бу һәрәкатла јени мүһарибәнин гачылмаз олдуғуну гејд едиб.
О һәмчинин сионист режиминә вә онун мүттәфигләринә төвсијә едиб ки, ҺӘМАС-ын Фәләстиндә өз мөвгејини тәсбит етмәсинә, Фәләстин Мухтар Һөкумәти илә данышыглара ҝирмәсинә иҹазә вермәсинләр, бу һәрәката гаршы бејнәлхалг тәзјигләри артырсынлар, онун малијјә тәмини мәнбәләрини кәссинләр, беләликлә Гәззәдә һакимијјәтинә сон гојсунлар. Әкс тәгдирдә Тәл-Әвив ҺӘМАС-ла сону ҝөрүнмәјән гаршыдурмалара ҝирәҹәк.
1453 дәфә бахылыб
Лоадинҝ ...
Nur-Az Xeber
Go to TOP