Шрифт өлчүсү:
А+
А
А-
25 Сентјабр 2021

Евдән гырагда ҝејим тәрзи

Ислам дини гадынын ҹамиәдә иштиракы илә мүхалиф дејил. Үстәлик, бәзән гадынын ҹәмијјәтдә иштиракы зәрури олур. Анҹаг гадынларын ҹамиәдә иштиракындан долајы онларын әмин-аманлыгда олмасы үчүн хүсуси бир ҝејим нәзәрдә тутулур. Исламын бөјүк гадынларынын, хүсусилә дә һәзрәт Зәһранын (ә) әнәнәсинә диггәт етдикдә евдән гырагда неҹә ҝејинмәклә бағлы ујғун өрнәк тапмаг олар. Һәзрәт Зәһранын (ә) ҝејими диггәти ҹәлб едән дејилди вә өз ардынҹа һеч бир фәсада јол ачмырды.

Ајә

«يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَىٰ أَن يُعْرَفْنَ فَلَا يُؤْذَيْنَ»

“Ја Пејғәмбәр! Зөвҹәләринә, гызларына вә мөминләрин гадынларына де ки, (евдән чыхдыгда бәдәнләрини башдан-ајаға ҝизләдән) өртүкләрини өртсүнләр. Бу онларын танынмасы вә онлара әзијјәт верилмәмәси үчүн даһа мүнасибдир.”

(“Әһзаб” сурәси, ајә 59)

Һәдис

قالَت فاطِمَة الزَّهراء)س): «خَيرٌ لِلنِّساءِ أن لايَرَينَ الرِّجالَ و لايَراهُنَّ الرِّجالُ»

Һәзрәт Фатимә (ә) бујуруб: “Гадынлар үчүн ән јахшы одур ки, намәһрәм кишиләри ҝөрмәсинләр вә намәһрәм кишиләр дә онлары ҝөрмәсин.”

(“Вәсаилуш-шиә”, ҹ. 20, сәһ. 67 вә 232)

Әнәнә

– Пејғәмбәрин (с) гызы биринҹи хәлифә илә мүназирә етмәк үчүн мәсҹидә дахил олдугда сән орада идин?

– Бәли, амма онунла ҹамаат арасында пәрдә чәкилмишди. Она ҝөрә дә кишиләр ону ҝөрмүрдү.

– Еләдир. Мәним зөвҹәм дә о вахт мәсҹиддә иди. Дејир ки, Пејғәмбәрин (с) гызы баш, бојун вә синәни өртән бөјүк мәгнәнин үстүндән бүтүн бәдәни өртән чаршаб ҝејинмишди. Онун әтрафыны исә гадынлар дөврәләмишди вә һәзрәт Зәһра (ә) мәсҹидә онларла бирликдә дахил олду.

– Доғрусу, һәзрәт Зәһранын (ә) мәгамы о гәдәр јүксәкдир ки, евдән ешијә белә чыхмалыдыр.

– Каш, ҹамаат Пејғәмбәрдән (с) сонра онун шәнини билирдиләр вә һөрмәтини сахлајырдылар.

(“Еһтиҹаҹ”, ҹ. 1, сәһ. 98)

Һекајә

– Хәстәханада иш јолдашларындан бәзиләри һәлә дә һиҹабсыз иди. Гоһум-әгрәба арасында да бәзи гадынларын һиҹабы јох иди. Амма Мәһин һәмишә һиҹабыны горујурду. Бәзән һиҹабына ҝөрә, һәтта она һөрмәтсизлик олунурду. Дејирдиләр ки, сәнин бу гәдәр садә олмағыны, ингилабын тәсири алтына дүшмәјини ҝөзләмирдик. Бу нәдир башына бағламысан?

– Каш, биләјдим Мәһин белә һәрәкәтләрлә гаршылашанда неҹә ҹаваб верир. Чүнки мән дә гоһум-әгрәба арасында һәмин проблемлә үзләширәм.

– Белә вахтларда дејирди: “Мәним башгалары илә ишим јохдур вә һиҹабым үчүн мәгсәдим вар. Чүнки мән һиҹабы садәлик, јахуд наданлыг үзүндән дејил, үрәкдән гәбул етмишәм.”

(“Торпаг ҝәлини” китабындан игтибас, сәһ. 34, Шәһид Миһән Данишјан һагда бир хатирә)
3952 дәфә бахылыб
Лоадинҝ ...
Nur-Az Xeber
Go to TOP