Шрифт өлчүсү:
А+
А
А-
23 Октјабр 2021

Рәсули-әкрәмдән (с) руһ охшајан кәламлар

1. Ҹәннәт јолу
“Елм ардынҹа олан кәсә Аллаһ ҹәннәтин јолуну ҝөстәрәр.”

2. Јохсулларла отуруб-дурмаг
“Елм әһлиндән сорушун, онларла сөһбәт един, јохсулларла отуруб-дурун.”

3. Әбузәрә хитаб
“Еј Әбузәр! Арзу вә хәјалларын бу ҝүнүн ишини сабаһа сахламаға сәбәб олмасын. Чүнки сән, һәлә ҝәлмәмиш ҝүнләр үчүн дејил, бу ҝүн үчүнсән. Еј Әбузәр! Малындан даһа чох өмрүн барәдә симиҹлик ет.”

4. Гуран вә сүннәјә табе олмаг
“Инсан өз истәкләрини мәним тәлимләримә ујғунлашдырмаса, мөмин дејил.”

5. Һикмәт сәрчешмәси
“Өз нәфсинизлә ҹиһад един ки, гәлбләриниз һикмәтлә долсун.”

6. Һәгиги мүсәлман
“Мүсәлман о кәсдир ки, диҝәр мүсәлманлар онун ишләриндән аманда галсынлар.”

7. Мүсәлман алдатмаз
“Мүсәлманлары алдадан кәс биздән дејил.”

8. Гуран вә Әһли-бејт (ә)
“Мән сизин аранызда ики ағыр, дәјәрли әманәт гојуб ҝедирәм. Бири Аллаһын китабы Гуран, диҝәри исә Әһли-бејтимдир. Әҝәр онлара итаәт етсәниз, һеч вахт азғынлыға дүшмәзсиниз.”

9. Әһли-бејт (ә) Нуһун ҝәмиси кими
“Мәним Әһли-бејтим Нуһун ҝәмисинә бәнзәјир. Бу ҝәмијә минән ниҹат тапар, ондан узаглашан исә мәһв олар.”

10. Алты ҹүмләдә топланмыш алты јүз мин сөз
Пејғәмбәри-әкрәм (с) һәзрәт Әлијә (ә) бујурду:
“Еј Әли! Алты јүз мин гојун истәјирсән, јохса алты јүз мин динар, јахуд алты јүз мин сөз (өјүд)?”
Əли (ә) ҹавабында деди: “Еј Аллаһын рәсулу! Алты јүз мин сөз истәјирәм”.
Пејғәмбәр (с) бујурду: “Еј Әли! Алты јүз мин сөзү алты ҹүмләдә топлајыр вә сәнә дејирәм:
1. Инсанларын мүстәһәб ишләрлә мәшғул олдугларыны ҝөрәндә, сән ваҹибатлары камил јеринә јетирмәјә чалыш.
2. Инсанларын дүнја ишләри илә мәшғул олдугларыны ҝөрәндә, сән ахирәт ишләри илә мәшғул ол.
3. Инсанларын башгаларынын ејибләри илә мәшғул олдугларыны ҝөрәндә, сән өз ејибләрини ҝөр.
4. Инсанларын дүнјаны бәзәмәклә мәшғул олдугларыны ҝөрдүкдә, сән ахирәтини бәзәмәјә чалыш.
5. Инсанларын әмәлләринин чох олмасына (кәмијјәтинә) чалышыдығыны ҝөрәндә, сән өз ишинин сағламлығы вә тәмизлијинә (кејфијјәтинә) чалыш.
6. Инсанларын мәхлугата сығындығыны ҝөрсән, сән анҹаг Халигә вә Јарадана сығын!”
3343 дәфә бахылыб
Лоадинҝ ...
Nur-Az Xeber
Go to TOP