Шрифт өлчүсү:
А+
А
А-
24 Јанвар 2022

Силеји-рәһим (Гоһумларла әлагә сахламаг) нәзири

Достлардан бири данышырды:

1964-ҹү илдә (Ислам Ингилабындан 15 ил әввәл) достумла бирликдә автобуса миниб Теһрандан Хој шәһәринә јола дүшдүк.
Автобусун сүрүҹүсү мәст иди вә онун мәст олмасы бизи бәрк горхудурду. О вахт маҝистрал јоллар һәлә шәһәрләрин дахилиндән кечирди. Автобус шам јемәјинә ҝөрә Гәзвиндә дајанды. Достум мәни ширнијјат мағазасына апарды. Өзүнә бир гуту ширнијјат алды вә мәним дә ширнијјат алмағымы истәди. Һәр икимиз ширнијјат алыб мағазадан чыхдыгдан сонра достум мәнә деди: - Нијјәт ет ки, иншаллаһ сабаһ шәһәрә чатан кими илк ишимиз силеји-рәһим олараг бу ширнијјатлары баҹыларымызын евинә апармаг олсун.

Мән онун дедији кими нијјәт етдим вә автобуса миниб јола дүшдүк. Ҝеҹә јарысы бирдән јухудан ојандыг. Автобус ашмышды вә онун 36 нәфәр сәрнишининдән 5 нәфәр сағ галмышды вә онларын да икиси биз идик. Бизә һеч нә олмамышды. Даһа мараглысы одур ки, ширнијјат гутумуза да һеч нә олмамышды. Севинҹимиздән нә едәҹәјимизи билмирдик.

Јол гырағында бир аз ҝөзләдикдән сонра ајры автомобиллә шәһәримизә чатдыг. Достумдан ширнијјат алмаг, силеји-рәһим вә сағ галмағымыз арасында һансы әлагәнин олдуғуну сорушдум.
Деди: - Дүнән ахшам сүрүҹүнүн вәзијјәтиндән баша дүшдүм ки, бәла бизим башымыз үзәриндә фырланыр. Дәрһал баҹыларымызын зијарәтинә ҝедәҹәјимизи нијјәт етдим ки, Аллаһ бу силеји-рәһимә ҝөрә баҹыларымыза рәһм етсин вә өмрүмүзү онлара хатир бизә бағышласын. Неҹә ки, Ислам Пејғәмбәри (с) бујуруб: “Бүтүн јахшы әмәлләр арасында силеји-рәһим јеҝанә әмәлдир ки, Аллаһ о иши едәнәнин мүкафатыны дәрһал верир.”
2664 дәфә бахылыб
Лоадинҝ ...
Nur-Az Xeber
Go to TOP