Şrift ölçüsü:
A+
A
A-
Kr
16 İyul 2023

Məhərrəm ayının müraqibətləri – Birinci hissə

Kamil arif Mirzə Cavad Ağa Məliki Təbrizi seyri-süluk əhlinə yol göstərdiyi dəyərli “Əl-Muraqibat” kitabının Məhərrəm ayı ilə bağlı fəslində yazır:

Məhərrəm ayının hörmətinin qorunmasının lüzumu

Vilayət və vəfadarlıq hökmünə, Uca Allaha, Rəsuli-əkrəmə (ə) imana əsasən, yaxşı olar ki, Məhərrəm ayında Allah Rəsulunun (s) Əhli-beytini (ə) sevənlərin əhvalı dəyişsin, bu ayda Peyğəmbərin (s) ailəsinə üz verən ağır müsibətlərə görə, onun həm qəlbində, həm də üzündə hüzn və qəm əsəri görünsün.
Əhli-beyti (ə) sevənlər Məhərrəm ayında öz ləzzətlərindən –istər yemək-içmək olsun, istər yatmaq və danışmaq– bir qədər azaltmalıdır, ata-anasını, yaxud övladını itirmiş şəxs kimi davranmalıdır, Uca Allahın namusunun hörmətini, Peyğəmbərin (s) və İmamın (ə) ailəsinin hörmətini öz canından və ailəsindən üstün bilməlidir, onları öz canından, övladlarından və ailəsindən çox istəməlidir.
Mütəal Allah bu barədə buyurur:

قُلْ إِنْ كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَ عَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُمْ مِنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّىٰ يَأْتِيَ اللَّهُ بِأَمْرِهِ وَاللَّهُ لَا يَهْدِي الْقَوْمَ الْفَاسِقِينَ

“(Ya Rəsulum!) De: “Əgər atalarınız, oğullarınız, qardaşlarınız, zövcələriniz, qohumlarınız, qazandığınız mallar, kasad olmasından qorxduğunuz ticarət, xoşunuza gələn məskənlər sizə Allahdan, Onun Peyğəmbərindən və Allah yolunda cihaddan daha əzizdirsə, Allahın əmri (əzabı) gəlincəyə qədər gözləyin. Allah fasiqləri doğru yola yönəltməz!” (“Tövbə” surəsi, ayə 24)

Bir gün gördüm ki, kiçik yaşlı övladlarımdan biri Məhərrəm ayının birinci ongünlüyündə təkcə yavan çörək yeyir və çörəklə heç bir yavanlıq yemir. Halbuki, mənim tanıdığım adamlardan heç kim ona bu barədə heç nə deməmişdi. Burada başa düşdüm ki, bu uşağın batinində Əhli-beytə (ə) sevgi vardır və həmin sevgi onu bu işə sövq etmişdir.

Əgər bir kəs Məhərrəm ayının birinci ongünlüyündə belə davrana bilməsə, ən azından 9-cu gün (Tasua günü), onuncu gün (Aşura günü) və on birinci gecə hər hansı ləzzətdən uzaq dursun.

Məhərrəm ayının birinci ongünlüyündə hər gün Aşura ziyarətini oxusun və Aşura günü axşamüstünə kimi yemək-içmək, qeyri-zəruri danışıq, dostları ilə görüşmək kimi işlərdən uzaq olsun, həmin günü ağlamaq və ahü-zarla keçirsin. Məsciddə, yaxud dostlarının evində İmam Hüseynə (ə) əzadarlıq etsin. Habelə, xəlvətdə də xalis niyyətlə əzadarlığa məşğul olsun ki, onun əzadarlığına riya qarışmasın, tamamilə xalis olsun. Bu əzadarlıqda məqsədi Əhli-beytlə (ə) zahirdə üz verən müsibət və faciələrə görə onlarla həmdərdlik etmək olsun.

“Əl-Muraqibat” kitabının tərcüməsi, səh. 37
1539 dəfə baxılıb
Loading ...
Nur-Az Xeber
19.05.24, 12:13
Urmiya gölünün xilası
16.05.24, 12:27
Hərbçimiz vəfat etdi
Go to TOP